Pokhara News

कास्कीको नामार्जुङको ताङतिङमा राप्रपा नेपालको भेला सम्पन्न

नामार्जुङ ताङतिङ, १५ फागुन –

राप्रपा नेपाल कास्कीले मंगलबार कास्की जिल्लाको क्षेत्र नं. १ अन्तर्गत नमार्जुङ गाविसको ताङतिङमा भेला सम्पन्न भएको छ ।

हरेक वडा, क्षेत्रमा राप्रपा नेपाल भन्ने राप्रपा नेपालको राष्ट्रिय अभियानलाई सार्थक तुल्याउनको लागि भेला आयोजना गरिएको अञ्चल सचिव तथा राष्ट्रिय पत्रकार समाजका अध्यक्ष सूर्य बाँस्तोलाले जानकारी दिनुभयो ।

कार्यक्रममा बोल्दै भेलाका प्रमुख अतिथि धौलागिरी संयोजक तथा केन्द्रीय सदस्य कुल बहादुर गुरुङ्ग कुलुले राज संस्था र हिन्दु राष्ट्रको पक्षमा राप्रपा नेपाल सँधै लडिरहने बताउनुभयो । उहाँले राष्ट्रियता संकटमा पर्दै गएको अवस्थालाई मध्यनजर गर्दै राष्ट्रियता तथा हिन्दु धर्म बचाउनको लागि राप्रपा नेपाल तपाइहरुको साथमा सधैं रहने र तपाईहरुको साथ लिएर अगाडि बढ्ने बताउनुभयो ।

कार्यक्रममा जिल्ला अध्यक्ष जयलाल पुनले पुर्खादेखि हामीले मान्दै आएको कुल धर्मको रक्षार्थ सनातन धर्म सापेक्ष हिन्दु राष्ट्र बनाउने, तराईका समथर भुभागलाई अलग राज्य बनाउन नदिने बताउँदै हिमाल, पहाड र तराई एकीकृत नेपाल निर्माण, विदेशी नागरिकलाई वितरण गरिएकोले उक्त खारेजीको लागि राप्रपा नेपाल सधैं लागिपर्ने बताउनुभयो । उहाँले खानेपानीको मुहान नथपि धारा मात्र बाँड्नु जनतालाई सपना देखाउनु मात्रै भएको बताउँदै मुहान थपि धारा बाँड्न राप्रपा नेपाल लडिरहने बताउनुभयो ।

ध्रुव गुरुङ्गको संयोजकत्वमा टोली नामार्जुङको ताङतिङ पुगेको हो । कार्यक्रममा एक्काजंग गुरुङ्गको अध्यक्षतामा २१ गाउँ इकाई कमिटी गठन गरिएको छ ।

उक्त अवसरमा विभिन्न पार्टी परित्याग गरी राप्रपा नेपालमा प्रवेश गर्ने विभिन्न व्यक्तिहरुलाई प्रमुख अतिथि तथा जिल्ला अध्यक्षले खादा तथा अविर लगाएर स्वागत गरेका थिए । कार्यक्रमको संचालन ताङतिङका गाउँ उपाध्यक्ष क्षेत्रबहादुर गुरुङ्गले संचालन गर्नुभएको थियो । कार्यक्रम अन्तर्गत शनिवार पर्वतको मल्लाज गाउँमा भेला गरिने युवा नेता ध्रुव गुरुङ्गले जानकारी दिनुभयो । कार्यक्रममा केन्द्रीय सदस्य तथा धौलागिरी संयोजक कुल बहादुर गुरुङ्ग कुलु प्रमुख वक्ता तथा राप्रपा नेपाल कास्कीका जिल्ला अध्यक्ष जयलाल पुन लगायतको उपस्थिति रहनेछ ।

Loading...

अन्य खबर

सल्यान गाँउ कमिटिको अध्यक्षमा यमबहादुर

पोखरा न्युज

समानता र समृद्धिका लागि स्रष्टा एवं कलाकारको भूमिका उच्च

पोखरा न्युज

राष्ट्रियता बचाउनलाई सरकारमा – राज्यमन्त्री शाही

पोखरा न्युज
खुल्दैछ.......