Connect with us

मनोरन्जन

चलचित्र छायांकनको गन्तव्य बन्दै चितवन

पोखरा न्युज –

‘मुुग्लिन पारि तरेर गण्डकी
लर्के जोवन दिऊँ कसलाई बन्धकी
हातमा चुरा छ, हातमा चुरा छ है,
चुरा छ है चुरा छ
छिट्टै भेट है माया एउटा कुरा छ’

 

सलल बगेको नारायणी र वा दुर्लभ वन्यजन्तुको बासस्थान चितवन राष्ट्रिय निकुञ्जलगायतले चितवन चलचित्र छायांकनको गन्तव्य बन्दैछ ।

अग्ला पहाड, चुरे र तराईको समथर भूमि, विकसित शहर, सुकुम्वासी बस्ती र आदिवासी जनजातिको संस्कृति झल्कने आवासीय क्षेत्र तथा कृत्रिम र प्राकृतिक छटाले भरिपूर्ण चितवन चलचित्र नगरी बन्ने संभावना छ । राजधानी काठमाडौँबाट छोटो यात्रामा आइपुगिने चितवन बसोबासको दृष्टिले पनि कम खर्चिलो मानिन्छ । त्यसो त चलचित्रले चाहेजस्ता रुप र रङका सहायक कलाकार पाउन पनि यहाँ सहज छ । सहयोगी भावनाका चितवनवासी चलचित्र निर्देशकका लागि अर्को रोजाइको स्थान बनेको छ ।

चलचित्र निर्देशक संघ नेपालका पूर्वअध्यक्ष विमल पौडेल भूगोलको हिसाबले राजधानीबाट नजिक, खर्चको हिसाबले सस्तो, खोजे जस्तो दृष्य र कलाकार पाइने भएकाले चितवन धेरैको रोजाइमा पर्ने गरेको बताउनुहुन्छ । पछिल्लो पटक ‘पोखराकी काली’ नामक चलचित्रको पूरै छायांकन चितवनमा गर्नुभएका पौडेल भन्नुहुन्छ,“दृश्य छायांकन गर्दा स्थानीयवासीबाट पाइने सहयोगले पनि धेरै निर्देशकलाई चितवन तान्ने गरेको छ ।” चलचित्र विकास बोर्डका पूर्व सदस्य पौडेलले चितवनलाई चलचित्र नगरी बनाउन आफूले बोर्डमा प्रस्ताव नै राखेको जानकारी दिनुहुन्छ ।

गत आवमा ‘छयहत्तरौँ जिल्ला’ चितवनमा ‘निर्भय’, ‘रुद्र’, ‘राधे’, ‘पिँजडा ब्याक अगेन’, ‘बाबु–कान्छा’, ‘ब्वाइफ्रेन्ड’, ‘पर्शुराम’, ‘लुट २’, ‘म यस्तो गीत गाउँछु’, ‘बटरफ्लाई’, ‘सुपर गोर्खे’, ‘लम्फू’, ‘सिक्का’लगायत चलचित्र छायांकन भएको बाबुकान्छाका निर्माता रवि अधिकारी बताउनुहुन्छ ।

नेपालमा वार्षिक करिब दुई सय चलचित्र छायांकन हुने अनुमान छ । तीमध्ये १२० जति प्रदर्शन हुने बताइएको छ । पौडेलका अनुसार झण्डै पूर्ण हिस्सादेखि केही भागसम्म चितवनमा चलचित्र छायांकन हुने गरेको छ ।

हालै मात्र चलचित्र ‘बाबु–कान्छा’ को चितवनमा नै निर्देशन गर्नुभएका निर्देशक सोभित बस्नेत राजधानी बाहिरका चितवन र पोखरा छायांकनका लागि महत्वपूर्ण स्थान भएको बताउनुहुन्छ । हालसम्म आफूले निर्देशन गरेका २९ चलचित्रमध्ये छ वटा चितवनमा नै छायांकन गरिएको जानकारी दिँदै उहाँले चलचित्रले मागेको दृश्य चितवनमा दिन सकिने बताउनुभयो ।

प्रदर्शन भइरहेको चलचित्र ‘निर्भय’ को २५ प्रतिशतभन्दा बढी छायांकन चितवनमै भएको हो । यसका निर्देशक मधुसूदन भट्टराई दुर्लभ वन र वन्यजन्तुदेखि कला, संस्कृति, सबै हिसाबले छायांकनका लागि चितवन उपयुक्त भएको मान्नुहुन्छ । यसअघिका आफ्ना अधिकांश चलचित्रका छायांकन नगरकोट र धुलिखेल क्षेत्रमा भएको जानकारी दिँदै उहाँले नयाँ ठाउँको खोजीमा रहेका निर्देशकलाई चितवनले तान्न सकेको बताउनुभयो ।

निर्देशक र निर्माता मात्रै होइन कलाकार पनि चितवनको छायांकन भनेपछि भुतुक्कै हुने गर्छन् । गत आवमा चार चलचित्रमा चितवनमा नै अभिनय गर्नुभएका नायक निखित उप्रेती छायांकनका लागि दृश्य मात्रै होइन चितवनवासीको सहयोगी भावना ज्यादै सह्राहनीय भएको बताउनुहुन्छ । यहाँका नदी, तालतलैया, वनजंगल, जंगली जनावर तथा कला,संस्कृति लोभलाग्दो भएको बताउँदै उप्रेतीले चितवनमा अभिनय गर्न पाउँदै ज्यादै आनन्द आउने गरेको अनुभव सुनाउनुभयो ।

नायिका निता ढुंगाना चितवन आफ्नै ठाउँजस्तो लाग्ने बताउनुहुन्छ । उहाँले चितवन बसाइ आफ्नै घरमा बसेजस्तै हुने बताउनुभयो । “सौराहा ज्यादै मनमोहक लाग्छ”, ढुंगानाले भन्नुभयो, यहाँका बासिन्दाको सहयोगी भावनाले अभिनय गर्न सहज तुल्याउँछ” उहाँले भन्नुभयो ।

विसं २०१६ देखि चलचित्रमा अभिनय थाल्नुभएका जिल्लाका पुराना कलाकार ऋद्धिचरण श्रेष्ठ पहाड र तराईको दृश्यसँगै नदीनाला, दुर्लभ वन्यजन्तु र यहाँका फरक फरक संस्कृति तथा रहनसहनले चलचित्रलाई मनमोहक बनाउने बताउनुहुन्छ । झण्डै ७१ चलचित्रमा अभिनय गरिसक्नु भएका श्रेष्ठ पछिल्लो समय जिल्लामा छायांकन गर्ने लहर बढेको जानकारी दिनुहुन्छ ।

जिल्लाका नारायणी र राप्ती नदी किनार, देवघाट, नारायणीको पुल, सौराहाका हात्ती सार र निकुञ्ज, , मेघौली, जगतपुर, पटिहानी, बीसहजारी ताल, राइनो ताल, थारु र दराई बस्ती, क्यान्सर अस्पताल, मेडिकल कलेजलगायत ठाउँमा धेरै मात्रामा चलचित्र छायांकन गर्ने गरिन्छ ।

चलचित्र छायांकनलाई आवश्यक पर्ने ठूला होटल, भव्य आवासीय भवन, सुविधासम्पन्न स्कूल र कलेज पनि जिल्लामा उपलब्ध छन् । यसले गर्दा चलचित्र छायांकन गर्न सहज हुने गरेको निर्देशक बताउँछन् । रासस

पोखरा

म्याग्दीको गलेश्वरबाट जलयात्रा नियमित सञ्चालन हुने

प्रसिद्ध धार्मिकस्थल म्याग्दीको गलेश्वरधामबाट पर्वत र बागलुङको सिमाना मालढुङ्गासम्म कालीगण्डकी नदीमा नियमित र्‍याफ्टिङ (जलयात्रा) सञ्चालन हुने भएको छ।

छैटौँ म्याग्दी महोत्सवका अवसरमा फोर हिमालय म्याजिक कम्पनीले पुस २८ देखि जलेश्वरदेखि बेनीबजारको थकाली सेवा समाजको घरसम्म सञ्चालन गरेको र्‍याफ्टिङ प्रभावकारी र स्थानीयवासीले अभिरुचि देखाएपछि व्यवसायीहरु यसलाई नियमित गर्न इच्छुक देखिएका छन् ।

र्‍याफ्टिङ एशोसिएशन अफ पोखरा (नारा)संग समन्वय गरी म्याग्दी उद्योग वाणिज्य संघ, नगरपालिका र स्थानीय बासिन्दासंग सहकार्य गरेर आफ्नो कम्पनीले गलेश्वर–मालढुङ्गा रुटमा नियमित जलयात्रा गर्न इच्छुक रहेको व्यवसायीहरुले बताएका छन् ।

पुरा पढ्नुहोस

पोखरा

मिस नेवा खोज्दै आयोजक पोखराको घरदैलोमा

पोखरा न्युज ।

मिस नेवा ११३८ को प्रतिस्पर्धी खोज्दै प्रतियोगितामा सकेसम्म धेरैभन्दा धेरै सहभागिता जुटाउने तयारीमा आयोजक नेवा खलः कास्की जुटेको छ।

प्रतियोगिताबारे जानकारी दिन संस्थाले कास्कीका नेवार वस्ती र टोलहरुमा घरदैलो गरेको छ । घरदैलोमा संस्थाका अध्यक्ष अशोक पालिखे, प्रतियोगिताका मूल संयोजक गजेन्द्रमान श्रेष्ठ, महासचिव आनन्द श्रेष्ठ, सहसंयोजक विमल श्रेष्ठ, मिस नेवा ११३७ अंशु शाक्य लगायत सहभागी छन् । पालिखेका अनुसार नयाँ पुस्तालाई नेवारी भाषा, संस्कृतिबारे सजग बनाउन प्रतियोगिता आयोजना गरिएको हो। प्रतियोगिता नेवारी भाषा, संस्कृति, सभ्यतासहित व्यक्तित्व र नेतृत्व विकासको उत्कृष्ट मञ्च भएकाले यसमा सहभागी हुन आयोजकले आग्रह गरेको छ। प्रचार प्रसार संयोजक अनिषा श्रेष्ठका अनुसार प्रतियोगितामा सम्भव भएसम्म धेरै प्रतियोगी सहभागी गराउने अभिप्रायले प्रचारप्रचार, सम्पर्क र कार्यक्रम भइरहेको छ।

मूल संयोजक गजेन्द्रमान श्रेष्ठका अनुसार प्रतियोगितामा नेवारी समुदायका १८ देखि २२ वर्षका युवतीले भाग लिन सक्नेछन्। प्रतियोगिताको फाइनल चैत ३ गते हुनेछ।

पुरा पढ्नुहोस

पोखरा

मिस तामाङ पोखराको तयारी अन्तिम चरणमा

 

सोनाम ल्होसारको अवसरमा माघ ६ गते पोखरामा हुने मिस तामाङ पोखराको तयारी तिव्र पारिएको छ । बैदाम तामाङ समाजले हरेक बर्ष ल्होसारको अवसरमा ल्होसार म्युजिकल फेस्टिभल तथा मिस तामाङ गर्दै आएको छ । यस पटक २८५४ औं सोनाम ल्होसार माघ ४ गते परेको छ । कार्यक्रम ६ गते पोखरा सभागृहमा हुनेछ ।

प्रतियोगितामा पोखरा, काठमाण्डौं तथा देशका बिभिन्न भागबाट तामाङ समुदायका १५ जना सहभागिहरु प्रतिस्पर्धा गर्दैछन । सहभागिहरुमा सुस्मिता लामा गोले स्वयम्भु काठमाण्डौ, सोनाम बम्जन सिम्पानी पोखरा, अनिता लामा लेकसाइड, इशिका तामाङ लेकसाइड, सुस्मिता तामाङ फुलबारी, लक्ष्मी तामाङ याम्दी, शसी तामाङ रत्नचोक, ओमिसा लामा नयाबजार, पनिता तामाङ, सोनी तामाङ लालिगुरास टोल, कविता लामा योन्जन रामेछाप, मोनिका तामाङ बालाजु काठमाण्डौ, विष्णु मोक्तान, सेलिना मोक्तान, निलम तामाङ मालेपाटन रहेको कार्यक्रम संयोजक जयन्ती मोक्तानले जानकारी दिए ।

सहभागीहरुलाई दिनेश डिसी, जिपी तिमिल्सिना, रविन गुरुङ्ग, दिपक वाइवा, धन प्रसाद तामाङ , राजकुमार लामा, सुदिप पोखरेल, दिपेन्द्र श्रेष्ठ, रिजन रिजाल, लक्की क्षेत्री, आचार्य नुर्बु ग्यात्सो लामा र डा. विकासनन्द योगी लगायतले बिभिन्न बिषयमा तालिम प्रदान गरेका छन् । डेढ महिने लामो तालिमको कोरियोग्राफर मलिना हिराचन हुन । कार्यक्रमको अफिसियल फोटोग्राफर सन्जय शाक्य हुन भने नृत्य प्रशिक्षक राम लामा रहेका छन् ।

यसैविच मिस तामाङ पोखरा २०१८ को ट्यालेन्ट सो र प्रि जजिंग सम्पन्न भएको छ । शनिबार पोखराको बिजी बि क्याफेमा कार्यक्रको तयारी स्वरुप ट्यालेण्ट राउण्ड र प्रि जजिंग गरिएको बैदाम तामाङ्ग सेवा समाजका अध्यक्ष ज्याक तामाङ्गले बताए । संगीतकार तथा रचनाकार तिर्थ तामाङको प्रमुख निर्णायक रहेको निर्णायक मण्डलको टोली ट्यालेण्ट राउण्डमा रहेका थिए ।

पोखरा सभागृहमा हुने अन्तिम प्रतिस्पर्धामा प्रथम नेपाल आइडल बुद्ध लामालाई सम्मान गरिने छ । कार्यक्रममा गायक अभिनाश घिसिङ्ग सोनिका लामा के.सी लगायत राष्ट्रिय ख्याती प्राप्त कलाकारका प्रस्तुतीका साथै तामाङ्ग सांस्कृतिक नृत्य रहने छन् ।

कार्यक्रमको उद्देश्य पोखराको लेकसाईडमा निर्माणाधिन रिन्छिन तोर्जेत शान्ति गुम्बालाई सहयोग गर्ने रहेको छ ।

पुरा पढ्नुहोस
Advertisement

छापावाल सुन प्रतितोला५६०००/-
तेजाबी सुन प्रतितोला५५७००/-
चाँदी प्रति तोला७८५/-
Advertisement pokharanews ad
Advertisement

धेरै पढिएको