Pokhara News

अनालाइन प्रक्रियासँगै वैदेशिक लगानीमा वृद्धि

पोखरा न्युज –

उद्योग विभागबाट अनलाइन प्रक्रिया शुरु गरेसँगै वैदेशिक लगानीमा वृद्धि हुँदै गएको विभागले जनाएको छ ।

उद्योग विभागले माघ २ गतेदेखि अनलाइन प्रक्रियाबाट विदेशी लगानी स्वीकृत, भिषा सिफारिश र उद्योग दर्ता शुरु गरेसँगै विदेशी लगानी बढेको हो ।

विभागले आज यहाँ आयोजना गरेको ‘अनलाइन प्रक्रिया र प्रतक्ष्य विदेशी लगानी’ सम्बन्धी सेवाग्राहीसँग गरेको छलफलमा उद्योग मन्त्रालयका सचिव शंकरप्रसाद कोइरालाले मुलुकमा औद्योगिक वातावरण सिर्जना गर्न नीतिगत, संस्थागत र प्रक्रियागत सुधार भइरहेको बताउनुभयो ।

“औद्योगिक व्यवसाय ऐन, विशेष आर्थिक क्षेत्र ऐन, कम्पनी ऐन, पेट्रोलियम अन्वेषण नीति, खानीसम्बन्धी नीतिलगायतले देशमा औधोगिक वातावरण निर्माण गर्न सहयोग पुगेको छ,”– सचिव कोइरालाले भन्नुभयो । प्रत्यक्ष विदेशी लगानीसम्बन्धी विद्येयक निर्माण गर्न मन्त्रालय लागेको उहाँको भनाइ थियो ।

उद्योग विभागका महानिर्देशक शंकर अर्यालले अनलाइन प्रक्रियाले उद्योग दर्ता प्रक्रियामा सहज भएकाले यसलाई अझ सहज बनाउन विभाग लागेको बताउनुभयो । “उद्योग दर्ता सहज गराउन डिजिटल हस्ताक्षर लागू गर्ने प्रक्रियामा विभाग लागेको छ,”–महानिर्देशक अर्यालले भन्नुभयो ।

नेपाल उद्योग वाणिज्य महासंघ, उद्योग समिति संयोजक अन्जन श्रेष्ठले दर्ता प्रक्रिया सहज भएसँगै उद्योग क्षेत्रमा लगानी बढेको भन्दै मुलुकमा रोजगारीको वातावरण सिर्जनामा यसले सहयोग पुग्ने बताउनुभयो ।

नेपाल उद्योग परिसंघका उपाध्यक्ष राजेशकुमार अग्रवालले समयको परिवर्तनसँगै उद्योग विभागले पनि अनलाइन सेवाको थालनी गरेर राम्रो काम गरेको भन्दै क्रमशः अरु विभागलाई पनि अनलाइन प्रक्रियामा लानुपर्ने बताउनुभयो ।

विभागका उपसचिव दुर्गाप्रसाद भुसालले सेवाग्राहीमार्फत उद्योग दर्तासम्बन्धी सम्पूर्ण कागजात प्राप्त गर्नसके एकैदिनमा उद्योग दर्ता गर्न सकिने बताउनुभयो ।

कार्यक्रममा सेवाग्राहीले विभाग अनलाइनमा गए पनि छिनछिनमा बिग्रने सर्भरले उद्योग दर्ता प्रक्रियामा ढिलाइ हुन गएको भन्दै उक्त सेवालाई छिटो, छरितो बनाउन सुझाव दिएका थिए । रासस

अन्य खबर

झापामा मोटरसाइकल दुर्घटना हुँदा १ को मृत्यु

रासस

भारतबाट चार बालकको उद्धार

रासस

कञ्चनपुरमा आन्दोलनकारीको ढुंगा लागेर महिला प्रहरी घाइते

रासस
खुल्दैछ.......