पोखरा न्युज – १३ माघ ।
पोखरा लेखनाथ महानगरपालिका वडा नं.१७ स्थित जानकी आधारभुत विद्यालयलाई ५० हजार मुल्य बराबरका खेलकूद तथा शैक्षिक सामाग्री वितरण गरिएको छ ।
सामुदायिक विद्यालयको शैक्षिक गुणस्तर अभिवृद्धि गर्ने उद्देश्यका साथ महानगरपालिकाको १७ नं वडास्तरीय बजेटद्वारा उपलब्ध गराइएको सामाग्रीहरुमा फुटवल, बास्केटबल, व्याडमेन्टन एवम् कपी, कलम रहेका छन् ।
पोखरा लेखनाथ महानगरपालिका १७ वडा सदस्य बैकुण्ठ भण्डारीले विद्यालय व्यवस्थापन समितिका अध्यक्ष टिकाराम भण्डारी र प्रधानाध्यापक रघुनाथ भण्डारीलाई एक समारोहकाबीच शुक्रबार खेलकुद तथा शैक्षिक सामाग्रीहरु हस्तान्तरण गरेका हुन् ।
सो विद्यालयमा हाल ९७ छात्रा तथा ८४ छात्र सहित कूल एक सय ८१ जना विद्यार्थी अध्ययनरत रहेको शिक्षक तुलसी गिरीले जानकारी दिए ।