Pokhara News

राष्ट्रिय फुटबल टिमका उपकप्तान लामाको सफल शल्यक्रिया

पोखरा न्युज – २८ माघ ।

नेपाली राष्ट्रिय फुटवल टिमका उपकप्तान तथा थ्रि स्टार क्लबका कप्तान बिक्रम लामाको आज ग्राण्डी अन्तर्राष्ट्रिय अस्पतालमा सफल शल्यक्रिया गरिएको छ ।

दाहिने खुट्टामा चोट लागेका लामाको वरिष्ठ अर्थोपेडिक सर्जन तथा ग्राण्डी अन्तर्राष्ट्रिय अस्पतालका मेडिकल डाइरेक्टर डा चक्रराज पाण्डेको टोलीले सफल शल्यक्रिया गरेको हो ।

लामाको आजदेखि नै फिजियोथेरापी शुरु गरिने र उनी उपचारपछि छ देखि आठ महिनामा खेल मैदानमा फर्किनसक्ने डा पाण्डेले बताए ।

धरानमा जारी बुढासुब्बा गोल्डकपको फाइनल खेलका क्रममा नेपाल पुलिस क्लबविरुद्धको खेलमा घाइते भएपछि लामालाई तत्काल उक्त अस्पतालमा ल्याइएको थियो ।

Related posts

मुम्बई माथि दिल्लीको जीत, सन्दिपको उत्कृष्ट प्रदर्शन

पोखरा न्युज

मुम्बई र दिल्ली भिड्दै, सन्दिप तेस्रो खेल खेल्दै

पोखरा न्युज

स्पोर्टर्स अवार्ड : चार विधाका खेलाडी मनोनयन

रासस