Pokhara News

‘घोकन्ते प्रणालीलाई बिदा गरौँ’

पोखरा न्युज – २९ फागुन ।

अभिभावक संघ नेपाल कास्कीद्वारा सोमबार पोखरामा आयोजित संघीयतामा शिक्षा विषयको अन्तक्रियामा शिक्षा समयसापेक्ष गुणस्तरीय अन्तर्राष्ट्रियस्तरमा प्रतिष्पर्धा गर्नसक्ने बन्नुपर्नेमा जोड दिइएको छ ।

‘संघीयतामा शिक्षा’ विषयको कार्यपत्र प्रस्तुत गर्दै शिक्षाविद् प्रा डा विद्यानाथ कोइरालाले गुणस्तरीय शिक्षाका लागि शिक्षक जिम्मेवार बन्नुपर्ने उल्लेख गर्दै घोकन्ते शिक्षा प्रणालीलाई त्याग्दै व्यावहारिक शिक्षामा जोड दिनुपर्ने बताए ।

अभिभावक संघ नेपाल कास्कीका अध्यक्ष हेमराज बरालले गुणस्तरीय शिक्षा भएमा मात्र उत्पादित जनशक्तिले विश्व बजारमा प्रतिष्पर्धा गर्नसक्ने धारणा राखे । उपजिल्ला शिक्षा अधिकारी दीपेन्द्र ढकालले दक्ष जनशक्ति तयार गर्ने महत्वपूर्ण जिम्मा पाएको शिक्षा संस्थालाई संघीय व्यवस्थामा अझै जिम्मेवार एवं व्यवस्थित गरिनुपर्ने धारणा राखे ।

पोखरा लेखनाथ महानगरपालिका शिक्षा विभागका प्रमुख केदारनाथ आचार्यले आगामी दिनमा शिक्षालाई कसरी अझै गुणस्तरीय बनाउन सकिन्छ भन्नेतर्फ सरकार लाग्नुपर्ने बताए । कार्यक्रममा प्याब्सन प्रदेश नं ४ का अध्यक्ष माधवशरण उपाध्याय, एनप्याब्सन कास्कीका अध्यक्ष रामबहादुर मोचीलगायतले गुणस्तरीय शिक्षाका लागि सरकारले निजी क्षेत्रसँग सहकार्य गर्दै अघि बढ्नुपर्नेमा जोड दिए ।

अन्य खबर

संविधान दिवसको अवसरमा पोखरामा दोस्रो हरिगोपाल गणेशमाया स्मृती छात्रवृत्ती वितरण

पोखरा न्युज

पोखरालाई अन्तर्राष्ट्रियस्तरको शैक्षिक केन्द्र बनाइने

पोखरा न्युज

पोखरा – ७ नुवारथोकमा बालबालिकालाई नैतिक शिक्षा कक्षा

पोखरा न्युज
खुल्दैछ.......