पोखरा –
रेडियो अन्नपूर्णले १६ औं संस्करणको रक्तदान कार्यक्रम आउदो चैत १९ गते शनिबार गर्ने भएको छ ।
रेडियोले आफ्नो वार्षिकोत्सवको अवसरमा विगतमा झै यसवर्ष पनि रक्तदान कार्यक्रम गर्न लागेको प्रमुख कार्यकारी अधिकृत दीपेन्द्र श्रेष्ठले बताए । युवा पुस्तालाई रक्तदानप्रति आकर्षित गर्न र नयाँ रक्तदाताको खोजी अभियानमा सघाउन भन्दै रेडियोले प्रत्येक वर्ष चैतको तेस्रो शनिबार रक्तदान कार्यक्रम गर्दै आएको छ ।
रक्तदान कार्यक्रमको संयोजकमा वरिष्ठ संवाददाता दीननाथ बराल र सहसंयोजकमा वरिष्ठ संवाददाता माधव बराल तोकिएका छन् । संयोजक बरालले सामाजिक उत्तरदायित्व पूरा गर्न दिएको जिम्मेवारी सफलतापूर्वक सम्पन्न गर्ने अठोट व्यक्त गर्दै सहयोगका लागि पोखराका सम्पूर्ण संघसंस्था तथा व्यक्तिहरुलाई आग्रह समेत गरेका छन् ।