पोखरा न्युज –
नेपालको ४० औ प्रधानमन्त्रीमा नेपाली कांग्रेसका सभापति शेरबहादुर देउवा निर्वाचित भएका छन् ।
प्रधानमन्त्री पदका लागि देउवाकोमात्रै उम्मेदवारी परेकोमा माओवादी केन्द्र, राप्रपा, नेपाल लोकतान्त्रिक फोरम, संघीय समाजवादी फोरम, राष्ट्रिय जनता पार्टी लगायत अन्य साना दलको समर्थनमा देउवा प्रधानमन्त्रीमा निर्वाचित भएका हुन् । नेकपा एमाले, नेकपा माले, नेपाल मजदुर किसान पार्टी, परिवार दल लगायतका केहि दलले देउवाको विपक्षमा मतदान गरेका छन् ।
देउबाको पक्षमा ३ सय ८८ मत पर्यो भने विपक्षमा १ सय ७० मत परेको थियो । देउवाले सबैभन्दा धेरै पटक चौथोपटक प्रधानमन्त्री बन्ने रेकर्ड समेत बनाएका छन् । देउवालाई प्रधानमन्त्रीमा निर्वाचित गरियोस् भनेर माओवादी केन्द्रका अध्यक्ष प्रचण्डले प्रस्ताव गरेका थिए भने कांग्रेस नेता रामचन्द्र पौडेल, फोरम लोकतान्त्रिकका अध्यक्ष विजयकुमार गच्छदार लगायतले समर्थन गरेका थिए ।
