पोखरा न्युज डटकम , पोखरा –
पोखरा शान्ति वन वाटिकामा फागुन १२ गतेदेखि जारि जंगल फेस्टिभलको अन्तिम दिन शनिबार विशेष प्रस्तुति रहने भएका छन ।
आज अन्तिम दिन साँगीतिक कार्यक्रमतर्फ ज्योती मगरले आफ्नो दमदार प्रस्तुती राख्नेछिन् भने अन्य रमाईला प्रस्तुति पनि रहने छन् ।
शनिबार दिनभर विभिन्न साँगीतिक कार्यक्रम, जादु, नाटक, भूतघर, सर्कस जस्ता प्याकेजसहित अन्य नयाँ कुरा थपिने आयोजकले बताएको छ।
शनिबार साँझपख नेपाल र भारत बिच रेस्लिङको घम्साघम्सी पनि जारी रहने छ ।
त्यसैगरी आज साझनै बिभिन्न प्रख्यात मोडल संलग्न फेशन शोले माहौल तताउने आयोजक परिचय नेपालले बताएको छ ।
जारि जंगल फेस्टिभललाई दर्शकले निकै रुचाएको आयोजकले दाबी छ । “पोखरामा हुने फेस्टिभल मध्येको फरक शैलीको फेस्टिभल भएकाले दर्शकले अत्याधिक मन पराएको हामीले पाएका छौँ ।”, परिचय नेपालका अध्यक्ष सोभित बस्यालले भने ।
शुक्रबार सम्म फेस्टिभलले सफलता हासिल गरिसकेको र शनिबार अन्तिम दिन अतयाधिक दर्शकको फेस्टिभल उपस्थिति रहने आयोजकले दाबी गरेको छ ।
