गणेश बराल , पोखरा-
देशकै ठुलो महानगर पोखरा लेखनाथको मेयरमा नेकपा एमालेका मानबहादुर जिसीको विजयी भएका छन् । महानगरमा भर्खरै सार्बजनिक मत परिणाम अनुसार झण्डै १४ हजारको मतान्तरले जिसी विजयी भएका हुन् ।
महानगरमा जिसीले ६० हजार १ सय १८ मत हासिल गर्दा उनका निकटतम प्रतिद्वन्द्वी कांग्रेस र माओबादी केन्द्रका संयुत उम्मेदवार नेपाली कांग्रेसका रामजि कुँबरले ४६ हजार ४ सय १६ मत प्राप्त गरे । नगरमा कांग्रेस र माओबादी बीच मेयरमा कांग्रेसलाइ सघाउने गरि चुनाबी तालमेल भएको थियो ।
त्यसैगरी महानगरको उपमेयर एमालेकै मञ्जु देबी गुरुङ विजयी भइन् । कांग्रेसवाट उपमेयरकी उम्मेदवार सरस्वती गुरुङलाई झण्डै १२ हजार मतान्तरले पछाडी पर्दै मञ्जु विजयी भएकी हुन् । महानगरमा मञ्जुले ५६ हजार ४ सय ४८ मत हासिल गरिन भने सरस्वतीले ४४ हजार ३ सय ३८ मत प्राप्त गरेकी छन् ।
महानगरमा कुल १ लाख २५ हजार ७ सय मत खसेको हो ।
