पोखरा –
पोखरा लेखनाथ महानगरपालिका वडा नं २६, २८ र २९ मा नेकपा एमालेको प्यानल विजयी भएको छ ।
महानगरको वडा नं २६ मा नारायणप्रसाद बराल २१३० मत सहित बिजयी भए। वडामा निकटतम् प्रतिद्वन्द्वी नेपाली कांग्रेसका मुरारी शर्माले १५८६ मत प्राप्त गरे । वडाको महिला सदस्यमा मुरली थापा तथा दलित महिला सदस्यमा शर्मिला विश्वकर्मा विजयी भए । त्यसैगरि खुल्ला सदस्यमा खड्कबहादुर रानाभाट र रामकृष्ण जिसी निर्वाचित भए ।
महानगरको वडा नम्बर २८ मा पनि एमालेको प्यानल विजयी भएको छ ।
वडाको अध्यक्षमा निर्मल दियाली सुनार १५२५ मत सहित बिजयी भए । वडा निकटतम प्रतिद्वन्द्वी कांग्रेसका विकाश लामा गुरुङले १४४८ मत प्राप्त गरे । वडाको महिला सदस्यमा अम्विका बुढाथोकी तथा दलित महिला सदस्यमा कल्पना परियार विजयी भए । त्यसैगरि खुल्ला सदस्यमा बिष्णुप्रसाद तिवारी र बैन बहादुर क्षेत्री निर्वाचित भए ।
यसै गरि महानगरको वडा नम्बर २९ मा पनि एमाले प्यानल सहित विजयी भएको छ ।
वडाको अध्यक्षमा चेतबहादुर गुरुङ १४९८ मत सहित विजयी भए । वडामा निकटतम प्रतिद्वन्द्वी नेपाली कांग्रेसका दीपकमणि भण्डारीले १२२३ मत प्राप्त गरे । वडाको महिला सदस्यमा निर्मला पौडेल तथा दलित महिला सदस्यमा मनकुमारी सुनार विजयी भए । त्यसैगरि खुल्ला सदस्यमा थलबहादुर पाण्डे थापा र हेमबहादुर बानिया निर्वाचित भए ।
