Category Archives: राजनिति

सुत्केरीको ज्यान बचाए काँग्रेसका उम्मेदवारले

पोखरा न्युज ।

सुत्केरी बेथाले घरमै ग्रस्त पश्चिमकी एक महिलाको ज्यान नेपाली काँग्रेसका उम्मेदवारले बचाएका छन् । काँग्रेस रुकुम पश्चिममा प्रदेश सभा ‘ख’ का उम्मेदवार खड्कबहादुर डाँगीले त्रिवेणी गाउँपालिका–४ की मीना केसीको ज्यान बचाउनुभएको हो ।

आर्थिक अवस्था कमजोर भएका कारण घरमै सुत्केरी बेथा शुरु भए पनि उनलाई स्वाथ्य चौकी पु¥याउन समस्या भएको थियो । उम्मेदवार डाँगी चुनावी प्रचारको सिलसिलामा त्यहाँ पुग्दा छटपटाइरहेको देखेपछि आफ्नै गाडीमार्फत केसीलाई उपचार गर्न जिल्ला अस्पताल सल्लेमा पु¥याएका थिए ।

नाजुक बन्दै गएको मीनाको स्वास्थ्य अवस्था अस्पताल पुगेपछि अहिले सामान्य बन्दै गएको स्वास्थ्यकर्मीले बताएका छन् । मत माग्नका लागि भन्दा पनि मानवीय सेवाका लागि आफूले मीनालाई आफ्नै खर्चमा अस्पतालसम्म पु¥याएको उम्मेदवार डाँगीले बताउनुभयो ।
रासस

एक मत बटुल्न चार हजार खर्च, तीन दिनको यात्रा

पोखरा  न्युज ।

फक्ताङलुङ गाउँपालिकाको याङ्मा र गोला भारत र चीनको सिमानामा अवस्थित छन् । यी दुई ताप्लेजुङको अत्यन्त विकट स्थान हुन् । याङ्मा र ग्याब्लामा क्रमशः ५७ र ४९ जना मतदाता छन् ।

यहाँको एक मत सुरक्षित गर्न सुरक्षाकर्मीको खर्च बाहेक निर्वाचन आयोगले मात्र रु चार हजार भन्दा बढी खर्च गर्नुपर्छ र तीन दिनको एकतर्फी यात्रा गर्नुपर्ने वाध्यता छ ।

मुलुककै तेस्रो ठूलो जिल्लाको रुपमा रहेको ताप्लेजुङको आधा भूगोल यिनै दुई स्थानले ओगट्छ । कुनै पनि राजनीतिक दलका नेता भोट माग्न त्यहाँ पुग्न सक्दैनन् ।

यही मंसिर १० गते हुन गइरहेको निर्वाचनको प्रचारप्रसारका क्रममा प्रतिनिधिसभाका वाम गठबन्धनका साझा उम्मेदवार योगेश भट्टराईले ‘रेकर्ड’ गरेर आफ्ना योजना र अपिल जनतासमक्ष पठाउनुभयो । यो जिल्लाबाट एक जना मात्रै प्रतिनिधिसभा सदस्य निर्वाचित हुनेछन् । प्रतिनिधिसभा सदस्यका लागि कूल ७ उम्मेदवार मैदानमा छन् । प्रदेश ‘क’ र ‘ख’ मा आठ÷आठ जना उम्मेदवार उठेका छन् ।

त्यसैगरी, नेपाली काँग्रेसका उम्मेदवार केशवप्रसाद दाहालले पनि रेकर्डमार्फत नै भोट माग्नुभयो । प्रदेश ‘ख’ मा पर्ने यी ठाउँमा कुनै उम्मेदवार पुग्न सकेनन् । उनीहरुले रेकर्डिङ पठाएर भोट मागे ।

फुङ्लिङका स्थानीय पत्रकारका अनुसार त्यहाँका मतदाता अन्यत्रै व्यवसायमा रहेकाले मत खसाल्न पनि कमै आउने गर्छन् । मतदाताको संख्याको तुलनामा आधा मात्र मत खस्ने गर्छ । काठमाडौँ र भारतका विभिन्न भागमा रहेर आफ्ना व्यवसाय गर्ने भएकाले उनीहरुलाई मतदान गर्न लगाउन पनि हेलिकप्टरको व्यवस्था गर्नुपर्ने हुन्छ ।

मुलुकको सुदूरपूर्वको उत्तर छेउमा पर्ने यस जिल्लाका सबै स्थानका जनतालाई चुनावी अभियानमा सहभागी गराउन अत्यन्त कठिन भएपनि निर्वाचन आयोगले त्यहाँका जनताको मताअधिकारलाई सम्मान गर्दै आएको छ ।

जिल्लाका कठिन र विकट स्थानमा निर्वाचन अधिकारी खटाएर भएपनि त्यस्ता विकट स्थानमा बसोबास गर्दैआएका बालिग मतदाताको मतदानलाई सुरक्षित गर्ने कर्तव्यलाई आयोगले ध्यान दिएको छ । यसपटक पनि निर्वाचन आयोगले मंगलबार नै त्यहाँका लागि निर्वाचन टोली पठाइसकेको छ ।

जिल्लाका प्रमुख निर्वाचन अधिकृत कृपाशुर कार्कीका अनुसार उक्त निर्वाचन क्षेत्रका लागि जना मतदान अधिकृत पठाइसकिएको छ । आवश्यक पर्ने सबै सामग्रीसहित निर्वाचन टोली बिहीबार त्यहाँ पुगेको छ ।

ती स्थानमा पुग्न सदरमुकामबाट तीन दिन लाग्छ । त्यहाँबाट मतपेटिका ल्याउन हेलिकप्टर चार्टर गर्नुपर्ने भएकाले अत्यन्त खर्चिलो हुन्छ । जनताका मताधिकार सुरक्षा गर्न निर्वाचन आयोग कटिबद्ध रहेको मुख्य निर्वाचन अधिकृत कार्कीको भनाइ छ ।

निर्वाचन आयोगले यहाँका अतिविकट स्थानका एक हजार ३२१ मतदाताका लागि नगद रु १५ लाख ८५ हजार, सुरक्षाकर्मी बाहेक ७३ जना कर्मचारी र तीन दिनको एकतर्फी यात्राको प्रवन्ध मिलाउनुपर्छ । मतदाताको मत सुरक्षित गर्ने दायित्व पूरा गर्न ठूलो रकम, जनशक्ति र समय खर्चेर थोरै मत संकलन गर्नुपरेको यथार्थ निर्वाचन अधिकृत कार्की सुनाउनुहुन्छ ।

उहाँका अनुसार यसपटक फक्ताङलुङ गाउँपालिकाको ग्याब्लामा ४९ जना मतदाता छन् । उक्त निर्वाचन केन्द्रका लागि नौ जना कर्मचारी खटाइएको छ भने उनीहरुलाई रु दुई लाख तीन हजार ७०० खर्च दिइएको छ । यस स्थानको एक मत सुरक्षित गर्न चार हजारभन्दा बढी पर्न गएको छ ।

यो निर्वाचन केन्द्रबाट स्थानीय तह निर्वाचनका बेला मत खसाल्न पाउने मतदाताको संख्या ४० रहेको थियो भने २९ मत मात्र खसेको थियो ।

त्यस्तै, फक्ताङलुङ गाउँपालिका – ७ को याङ्यामा आधारभूत विद्यालयमा ५७ जना मात्र मतदाता रहेका छन् । त्यस निर्वाचन केन्द्रका लागि निर्वाचन आयोगले नौ जना कर्मचारी खटाएको छ भने उनीहरुलाई रु दुई लाख १७ हजार रकम दिइएको छ । यहाँ पनि प्रतिमत झण्डै चार हजार खर्च बेहोर्नुपर्छ ।

यहाँ स्थानीय तहको निर्वाचनमा मतदाताको संख्या ५५ रहेको थियो भने ३६ जनाले मात्र मतदान गरेका थिए । मुख्य निर्वाचन अधिकृत कार्की भन्नुहुन्छ – “प्रजातन्त्रमा जनताको मत अमूल्य हुन्छ ।”

फक्ताङलुङ–६ घुन्सा माध्यमिक विद्यालयमा १३१ मतदाता रहेका छन् । स्थानीय तह निर्वाचनमा १२६ मतदाता थिए तर ६६ जनाले मात्र मतदान गरेका थिए । अहिले रु दुइ लाख १६ हजार ६०० निर्वाचन खर्च दिएर नौ जना कर्मचारीलाई यहाँ खटाइएको छ ।

सिदिङ्वा–१ को कालीखोला निमाविमा यसपटकको निर्वाचनमा मतदाता संख्या १८४ रहेको छ । निर्वाचनका लागि रु दुई लाख १२ हजार २०० खर्च दिएर नौ जना कर्मचारी पठाइएको छ । स्थानीय तह निर्वाचनका बेला यहाँ मतदाता संख्या १८१ र खसेको मत १५५ थियो ।

मिम्वाखोला गाउँपालिका – ५ को किलिङ माविमा अहिले मतदाता संख्या १९४ छ । स्थानीय तहको निर्वाचनमा १७० मतदाता भएकामा १०७ मत मात्र खसेको थियो । अहिले यस निर्वाचन केन्द्रमा नौ जना कर्मचारीलाई रु एक लाख ६० हजार ७०० सहित पठाइएको छ ।

यसैगरी, मेरिङ्देन गाउँपालिका–६ को चागा आधारभूत विद्यालयबाट मत खसाल्ने मतदाताको संख्या २१८ छन् । स्थानीय तह निर्वाचनका बेला मतदाता संख्या १८५ थियो र १३० मतमात्र खस्यो । त्यहाँ रु एक लाख ४० हजारसहित नौ जनाको टोली पठाइएको छ ।

फक्ताङलुङ गाउँपालिकाकै ओलाङचुङगोलामा २२२ मतदाता छन् । स्थानीय तहको निर्वाचनमा त्यहाँको मतदाता संख्या २०१ मात्र थियो भने १३१ मतमात्र खसेको थियो । त्यहाँ अहिले रु दुई लाख २० हजार २०० रकम सहित नौ जना कर्मचारी पठाइएको छ ।

त्यसैगरी, सिदीङ्मा गाउँपालिका–१, सिदीङ्मा आधारभूत विद्यालय तेङ्बो निर्वाचन केन्द्रमा २६४ मतदाता छन् । स्थानीय तह निर्वाचनमा मतदाताको संख्या २६६ थियो भने २०० मात्र मत खसेको थियो । यस पटक रु दुई लाख १५ हजार ४०० रुकम दिएर १० जना कर्मचारीलाई त्यहाँ पठाइएको छ ।

सुरक्षाकर्मीको खर्च र हेलिकप्टरमार्फत मतपेटिका ल्याउँदा त्यसको खर्च गृह मन्त्रालयले व्यहोर्ने भएकाले त्यो खर्च यसमा नजोडिएको प्रमुख निर्वाचन अधिकृतको कार्कीले जानकारी दिनुभयो ।

ग्याब्ला प्रावि, याङ्मा आधारभूत विद्यालय, घोन्सा मावि, वडा कार्यलय ओलाङचुङगोला अति दूर्गममा पर्ने भएकाले गत ४ गते नै निर्वाचन अधिकृतसहितको टोली त्यसतर्फ पठाइसकिएको छ ।

यस जिल्लाको कूल जनसंख्या एकलाख ९१ हजार ८१७ रहेको छ भने कूल मतदाता ७९ हजार ३९७ जना छन् । रासस

 

ढुक्क भएर मतदानको तयारीमा लाग्न आयुक्त पौडेलको आग्रह

पोखरा  न्युज ।

निर्वाचन आयोगका आयुक्त ईश्वरीप्रसाद पौडेलले ढुक्क भएर मतदानको तयारीमा लाग्न आग्रह गर्नुभएको छ ।

पहिलो चरणमा हुन लागेको प्रतिनिधिसभा तथा प्रदेशसभा चुनावको तयारी र सुरक्षाबारे क्षेत्रीय सुरक्षा अधिकारीसहित अनुगमनका लागि यहाँ आउनुभएका उहाँले ढुक्क भएर मतदानको तयारी गर्न आग्रह गर्नुभएको हो ।

बेनीमा राजनीतिक दल र सरोकारवालासँग भएको अन्तरक्रियामा आयुक्त पौडेलले संविधान नमान्ने पक्षबाट भएका छिटपुट निर्वाचन विरोधी गतिविधिबाट त्रस्त नहुन आग्रह गर्नुभयो ।

“उम्मेदवार र मतदातालाई त्रस्त बनाउने गतिविधि गर्नेलाई पक्राउ गरिएको छ” आयुक्त पौडेलले भन्नुभयो “मतदाता र उम्मेदवारको सुरक्षामा राज्य प्रतिबद्ध भएकाले राजनीतिक दललाई उच्च मनोबलका साथ आचारसंहिता पालना गर्दै चुनाव प्रचार तथा मतदाता शिक्षामा केन्द्रित हुन अनुरोध गर्छु । ”

म्याग्दीका प्रमुख जिल्ला अधिकारी कृष्णप्रसाद अधिकारीले विभिन्न राजनीतिक दलका प्रतिनिधि उम्मेदवार र मतदाताको सुरक्षा, चुनावलाई निष्पक्ष र भयरहित वातावरणमा सम्पन्न गराउन पहल भइरहेको जानकारी दिनुभयो।

यसैबीच बुधबारदेखि म्याग्दीका दुर्गमका मतदानस्थलमा चुनावका लागि कर्मचारी खटिएका छन् । मतदान सामाग्रीसहित सुरक्षाकर्मीको साथमा कर्मचारी कार्यक्षेत्रमा प्रस्थान गरेका हुन् । चुनावका लागि म्याग्दीमा ८४७ जना कर्मचारी र ४२२ जना स्वयंसेवक खटाइएको छ ।

प्रतिनिधिसभामा एक, प्रदेशसभामा दुई निर्वाचन क्षेत्र रहेको म्याग्दीमा ७५ हजार ५३८ जना मतदाता छन् । एक नगरपालिका र पाँच वटा गाउँपालिका रहेको यस जिल्लामा ७२ मतदानस्थल र १०६ मतदान केन्द्र कायम गरिएको छ । तेह्रजना उम्मेदवार चुनावी प्रतिस्पर्धामा छन् ।
रासस

रन्जु दर्शनाको पोखरामा अपिल ‘देश परिवर्तनको लागि भोट परिर्वतन गर्नुहोस’

विवेकशील साझा पार्टीका केन्द्रिय सदस्य रन्जु दर्शनाले राजनीतिलाई पेशा बनाउन नदिने बताएकीछन।

विवेकशील साझा पार्टी कास्कीले  पोखरामा आयोजना गरेको नागरिक सभामा सम्वोधन गर्दै सदस्य दर्शनाले देशमा परिवर्तनको लागि भोट परिर्वतन गरी भ्रष्टचारीहरुको बिरुद्ध विवेकशील साझा पार्टीलाई भोट गर्न आग्रह गरिन ।

उनले भनिन “ हामी सकरात्मक परिवर्तन गर्न सक्छौं, हामीले आट गरेका छौं तर आम जनताले हाम्रो अभियानलाई होष्टेमा हैसे गर्नुहोला, हामी विकल्वमा आउदैछौं । ” विकल्पमा आउन पनि आँट चाहिने बताएकी दर्शनाले सामाजिक संजालले आफुहरुलाई धेरै प्रचार प्रसार गरेको बताईन। उनले भनिन “संविधान निर्वाचनमा पनि हामीलाई सामाजिक संजालबाटै ठुलो सहयोग मिलेको हो तर हामी अझै संगठन विस्तारको स्वरुप मै छौं । ” पारदर्शी, उद्यम शिलता अब नेपालमा आवश्यक भएको बताउदै उनले विगत ४ बर्ष देखि परामर्श तथा तालिम दिदै आएको जनाईन। उनले भनिन “भद्र आन्दोलन गर्दै शान्तिपुर्ण रुपमा हामीले देशमा भएको भ्रष्टचारलाई हटाउन चाहान्छौं ।” मुल्य मान्यतालाई आत्मसाथ गर्दै अघि बढे ईमानदारी हुने बताएकी उनले नयाँ मान्छे हाम्रो पार्टीमा आएमा आफुहरुले फिल्डर गरी राख्ने जनाईन। तराजु चिन्हः मा भोट गर्न आग्रह गर्दै उनले १ सय ९७ जना उम्मेदवार रहेको जनाईन ।

मुमारम खनालले पुराना राजनीतिक दलले देशलाई आर्थिक समृद्धि र विकासको बाटोमा द्रुत गतिमा लैजान नसक्ने दाबी गरे । जिल्ला संयोेजक राजा राम केसीकोे अध्यक्षतामा कार्यक्रम सम्पन्न भएको थियो ।

कास्की क्षेत्र नम्बर १ बाट प्रतिनिधि सभा सदस्यका उमेदवार दीपक पौडे, क्षेत्र नम्बर २ बाट श्रीकृष्ण श्रेष्ठ, र कास्की क्षेत्र नम्बर ३ बाट प्रतिनिधि सभा सदस्यका उमेदवार ई. मीलन अधिकारी रहेकाछन। कास्की क्षेत्र नम्बर १ क बाट प्रदेश सभा सदस्यमा नवराज खनाल, क्षेत्र नम्बर १ को ख बाट फणिन्द्र मोहन कडेल, कास्की क्षेत्र नम्बर २ क बाट प्रदेश सभा सदस्यमा चिरिन जीबी बराल, कास्की क्षेत्र नम्बर ३ क बाट प्रदेश सभा सदस्यमा चिरिन्जीवी अधिकारी र कास्की क्षेत्र नम्बर ३ ख बाट प्रदेश सभा सदस्यमा गुरु प्रसाद बरालले उमेदवारी दिएका छन।

त्यस्तै कास्की प्रतिनिधि सभा सदस्यमा समानुपातिक तर्फबाट सोनिका लामा, प्रदेश सभाको लागि समानुपातिक तर्फबाट पवित्रा थापा र कास्की प्रदेश सभा सदस्य समानुपातिक तर्फबाट गौमाया परिवारले उम्मेदवार दिएकाछन। उक्त नागरिक सभा मानवअधिकार चोकमा हुने पुर्व घोषणा गरे पनि ध्वनि प्रदुषण हुने भने पनि चिनारियो थकाली भान्छा घरको सभाहलमा भएको संयोजक राजा राम के.सी.ले बताए ।

बाम गठबन्धन कास्की क्षेत्र २ को प्रतिबद्धता पत्र सार्बजनिक

बाम गठबन्धन कास्की निर्बाचन क्षेत्र न २ ले प्रतिबद्धता पत्र सार्बजनिक गरेको छ ।

सो क्षेत्रबाट प्रतिनिधि सभा का प्रत्यक्ष तर्फका उम्मेदबार रबिन्द्र अधिकारि, प्रदेस सभा कास्की २(१) का उम्मेदबार कृष्ण थापा र प्रदेस सभा कास्की २(२) का उम्मेदबार राजकाजी गुरुङ करणले संयुक्त रुपमा आफुहरुको प्रतिबद्धता पत्र बुधबार एक पत्रकार सम्मेलनको आयोजना गरि सार्बजनिक गरेका हुन् ।

उम्मेदबारहरुले आफ्नो बिगतको कार्याकालको उपलब्धि सहित आगामी कार्य योजना सहित प्रतिबद्धता ब्यक्त गरेका हुन् ।

प्रतिवद्धता पत्र प्रस्तुत गर्दै उम्मेदवार अधिकारीले आफू र आफ्नो पार्टीको पहलमा भएगरेका विकास निर्माणका कार्यहरू साथै, आगामी कार्यकालमा आफूले गर्नुपर्ने कार्यहरूको प्रतिवद्धता व्यक्त गरेका छन् ।

यस्तोमा गठबन्धनले पोखरा विकासका लागि कुनैपनि कसर बाँकी नराख्ने र ४० वर्षदेखि अलपत्र पोखरा अन्तराष्टिय विमानस्थल जग्गाको मूआब्जा विवाद सुल्झाउने देखि पोखरा जोमसोम कोरलानाकाबाट चीन जोड्ने र पोखरा भिमाद कावासोती लोकमार्ग निर्माण गर्ने सम्म लोकप्रिय कामहरु गर्ने प्रतिवद्धता गठबन्धनले जनाएको छ ।

त्यस्तै उसले पोखरालाई स्वस्थ सफा र पर्यटकका लागि नमुना सहरका रुपमा विकास गर्ने प्रतिबद्धतापनि ब्यक्त गरेको छ । पोखारामा आवश्यक खानेपानि देखि उक्त क्षेत्र विकासमा गरीने सबै कामका सबै एजेन्डाहरु घोषणा पत्रमा समेट्दै स्थानियसँग भोट दिएर जिताउन गठबन्धनले अपिल गरेको छ ।

 प्रतिबद्धता पत्र

Final Eclection Commitment Paper_Kaski 2

 

कस्केली जनतासंग रबिन्द्र र करणको कहिल्यै विश्वासघात नगर्ने प्रतिबद्धता

कास्की क्षेत्र नम्बर २ का बाम गठबन्धनका तर्फबाट प्रतिनिधि सभाका उम्मेद्वार रबिन्द्र अधिकारी र कास्की २ को प्रदेश क्षेत्र नम्बर २ का उम्मेद्वार राजकाजी गुरुङ ‘करण’ले जनताप्रति कहिल्यै विश्वासघात नगर्ने प्रतिबद्धता व्यक्त गरेका छन् ।

कास्की क्षेत्र नम्बर २ अन्तर्गत भलामका विभिन्न क्षेत्रमा भएको घरदैलोपछि ¥यालेचौरमा आयोजित कोणसभामा बोल्दै उनीहरुले एकमुख भएर भने,‘हामीलाई विश्वास गरेर मत दिनुस्, हामी तपाईंहरुलाई कहिल्यै विश्वासघात गर्ने छैनौं ।’

कार्यक्रममा बोल्दै एमालेका युवा नेतासमेत रहेका अधिकारीले भलामलाई पोखराको मूख्य बजार जत्तिकै विकसित र ब्यबस्थित बनाउने बताए । उनले बिरोधी कांग्रेसले कम्युनिष्टहरुलाई फुटाउँदै राज गर्ने गरेको बताउँदै अबको चुनावबाट कांग्रेसको फुटाउ र राज गर रणनीति फेल खाने बताए ।

कास्की २ को प्रदेश क्षेत्र नम्बर २ का उम्मेद्वार ‘करण’ले भलामको कायापलटका लागि बाम गठबन्धनलाई जिताउन आग्रह गरे । उनले आफू सांसद हुँदा २ करोडको लागतमा भलामबाट मनिपालसम्म जाने बाटो बनाएको, खोराकोमुखमा सिंचाइको तटबन्ध बाँधेको, भलामबाट काहुँ धरहरासम्म फुट ट्रयाक बनाएको बताउँदै अब भलामको उत्पादन बृद्धि र त्यसको बजारीकरण लागि काम गर्ने बताए । उनले हरिहर गुफाको विकास गरेर धार्मिक पर्यटनको क्षेत्र बनाउने आफ्नो सपना भएको बताउँदै सो योजना आफू निर्वाचित भएमा जसरीपनि पूरा गर्ने बाचा गरे ।

उम्मेद्वारहरु अधिकारी र ‘करण’ले विहीबार दिनभर पोखरा लेखनाथ महानगरपालिका वडा नम्बर २० मा पर्ने भलाम, ¥यालेचौरलगायतका क्षेत्रमा घरदैलो गरेका हुन् । घरदैलोमा लोकदोहोरी सम्राट प्रजापति पराजुलीलगायतको कलाकारको टोलीले ‘ठूलो भए नदी हुन्छ, सानो भए खोला, कांग्रेसको आस्वासनमा नफस्दिनु होला’ गीत गाउँदै मत माग्न सघाएका थिए ।

“पटक पटक रुखमा भोट दियौं केही गरेनन्, यसपटक वाम गठबन्धनलाई भोट दिन्छौं”

कास्कीको अन्नपूर्ण गाउँपालिका वार्ड ५, लुयरा सल्यानका वासिन्दाहरुले एउटै स्वरमा भने—“पटक पटक रुखमा भोट दियौं केही गरेनन्, यसपटक वाम गठबन्धनलाई भोट दिन्छौं ।”

संयुक्त वाम गठबन्धन कास्की क्षेत्र ३ का प्रतिनिधि सभा सदस्यका उम्मेदवार जगत विश्वकर्मा र कास्की ३ प्रदेश सभा ख का उम्मेदवार राजीव पहारीको प्रचारप्रसार अभियानमा लुयरका पुग्दा त्यहाँ वासिन्दाले उम्मेदवारलाई यसरी आश्वस्त पारे ।

कार्यक्रममा बोल्दै प्रतिनिधी सभा उम्मेदवार विश्वकर्माले गाउँको विकासको लागि गाउँकै व्यक्तिले केन्द्रमा प्रतिनिधित्व गर्नुपर्ने बताए । यसो हुन नसकेको खण्डमा गाउँमा आउने वजेट गाउँको विकासमा नभई अन्यत्रै जाने भन्दै आफ्नो ठाउँको व्यक्तिलाई मत दिएर विजय गराउँन उनको आग्रह छ । प्रचार अभियानकै क्रममा दलित वस्तीमा पुगेका उनले दलितका मुद्धालाई आफुले प्राथमिकतामा राखेर काम गर्ने बताए । दलित भएकै कारण पिछडिएको बस्तीलाई आफुले माथि उठाउन पहल गर्ने र हालै देखिएका वस्तीका समस्याको समाधानमा तुरन्तै लाग्ने उनको भनाई छ ।

कार्यक्रममा कास्की ३ प्रदेश सभा ख का उम्मेदवार राजीव पहारीले आफुले यस क्षेत्रको विकासका लागि सदैव तयार रहने बताए । वामगठबन्धनकी समानुपातिक उम्मेदवार दुर्गा विकले दलितले भोग्नुपरेका समस्याहरुलाई प्राथमिकतामा राखेर काम गर्ने बताईन् । उनले देशमा जारी भएको संविधानको अक्षरंश कार्यान्वयन गर्नका लागि पनि वाम गठबन्धनका उम्मेदवारहरुलाई सुर्य र हसियाँ हथौडामा मतदान गरी दुई तिहाई बहु मतले जिताउँन आग्रह गरिन् । कार्यक्रममा वाम गठबन्धन चुनाव प्रचार प्रसार संयोजक एवं नेकपा एमाले कास्कीका कार्यवाहक अध्यक्ष दामोदर वैरागीले अहिलेको चुनावमा वाम गठबन्धनको बुहमत आईसकेको बताउँदै दुई तिहाई मतको ल्याउनको लागि सम्पूर्ण गाउँवासीलाई वाम गठबन्धनका उम्मेदवारलाई मतदान गर्न आग्रह गरे ।

प्रचार प्रसार कार्यक्रम नेकपा माओवादी केन्द्रका केन्द्रिय सदस्य गोविन्द अधिकारी, नेकपा एमाले साविक क्षेत्र नम्वर ४ का अध्यक्ष विष्णु केसी, जमान सिंह, नेकपा एमाले प्रदेश नम्वर ४ विभाग सदस्य बुद्धिमान गुरुङ, जिल्ला सल्लाहाकार परिषदका सदस्य दुर्गादत्त ढुङाना, नेकपा माओवादी केन्द्रका जिल्ला कमिटी सदस्य दिपेन्द्र गिरी, नेकपा एमाले क्षेत्रीय सचिवालय सदस्य महेश्वर दवाडी, अर्जुन केसी, विजय केसी, बलराम विक, अनेरास्ववियु केन्द्रिय सदस्य आर्शिवाद सुवेदी, भरत गुरुङ कोने र अनेरास्ववियु जिल्ला कमिटीका अध्यक्ष शेखर गौतमको टोलीसहित ढावा, झोवाङ, गिरीचोक, नयाँपुलमा पुगि घरदैलो अभियान सम्पन्न भएको छ ।

कोणसभाको अध्यक्षता चुनाव प्रचार प्रसार समिती वडा नम्वर ५ का संयोजक दानबहादुर केसीले गरेका थिए ।