पोखरा न्युज डटकम –
सडक ढाकेर जुलुस, र्याली, कन्सर्ट तथा अन्य कार्यक्रम गरी आवागमन बाधा पुर्याएमा अब कारबाही हुने भएको छ ।
यसरी अवरोध पुर्याउनेलाई कारबाहीका लागि निर्माण हुन् लागेको ऐनमा तीन वर्षसम्म कैद, ३० हजार रुपैयाँसम्म जरिवाना वा दुवै सजाय हुन सक्ने व्यवस्था प्रस्ताव गरिएको छ ।
विधायन समिति सदस्य रेवतीरमण भण्डारीका अनुसार व्यवस्थापिका संसद्ले तयार पारेको ‘फौजदारी कसुरसम्बन्धी प्रचलित कानुनलाई संशोधन र एकीकरण गर्न बनेको विधेयक–२०७१’ मा उक्त व्यवस्था प्रस्ताव गरिएको छ । भण्डारीले उक्त विधेयक संसदको विधायन उपसमितिबाट पास भइ समितिमा आइसकेको जानकारी दिएका छन ।
स्रोत – नागरिक दैनिक
फाइल फोटो