पोखरा २२, असोज :
जडिवुटि युक्त पिपिलडाली मसला बजारमा विक्रि वितरण सुरु भएको छ । देउराली टेष्ट एण्ड फेवर ईण्डस्ट्रीजले पोखरा सहितको बजारमा सुक्रबार देखि ४० प्रकारका जडिवुटिबाट उत्पादन भएको पिपिलडाली मसला बजारमा उपलब्ध भएको छ ।
पोखरा–२० र्यालेचौरमा करीब ३ करोडको लागतमा उक्त उद्योग संचालनमा आएको हो । अत्याधुनिक प्रविधिबाट मसला उद्योग संचालनमा आएको उद्योग संचालक कृष्णराज बाँस्तोलाले बताए । आफ्नै गाँउ घरमा उत्पादन भएका जडिवुटिको प्रयोग गरी स्वदेशी उत्पादनलाई प्रवद्र्धत गर्ने उद्धेश्यले उक्त उद्योग संचालन गरेको उनले जनाए ।
४८ बर्षीय बास्तोलाले विगत २४ बर्षदेखि पोखरा केआईसिङ पुलमा बाँस्तोला ट्रेडर्स नामक किराना पसल संचालन गरेका उनले उक्त उद्योग संचालन गर्न ३ करोड लगानी गरेका छन । उक्त उद्योगबाट हाल दैनिक जसो एक हजार किलोग्राम मसला उत्पादन हुने भएको बताएका बाँस्तोलाले दैनिक ५ सय किलोग्रामसम्म मसला उत्पादन गर्न सकिने अत्याधुनिक प्रविधिको मेसिनहरु आफुहरुसंग भएको दाबी गरे । आफ्नै घर गाँउमा उत्पादन हुने जडिवुटि देखि लियर रुकुम, रोल्पा, मनाङ, मुस्ताङ हुदै भारतबाट समेत जडिवुटि आयात हुने गरेको उनले बताए । उनका अनुसार हाल नेपालमा उत्पादन हुने करीब ५० प्रतिशत जसो जडिवुटि प्रयोग भएको छ भने ५० प्रतिशत जसो भारतबाट आयात हुने गरेको छ ।
उक्त कम्पनीले मिक्स मसला, गरम मसला, मिट मसला, म म र चाउमिन मसला, चाट मसला, सब्जी मसला, चिया मसला लगायतका ६० ब्राण्डका मसलाहरु पोखरा क्षेत्र सहितका बजारमा सुक्रबार देखि विक्रि वितरण सुरु भएको उद्योग संचालक बाँस्तोलाले बताए । उनको अनुसार १५ रुपैयाको २५ ग्राम मसला देखि विभिन्न प्याकमा मसला बजारमा उपलब्ध भएको छ । उनले भने “पहिलो चरणमा हामीले यस मसला नेपालको पुर्वमेचिदेखि पश्चिम महाकालिसम्म पुु¥याउछौं, यो मसला उपभोक्ताहरुले बढी रुचाएको खण्डमा र हामी सफल भएको अबस्थामा हामीले मसु्रम, चिकेन सुप उत्पादन गरी चाउचाउ सम्म उत्पादन गर्ने लक्ष्य राखेका छौं ।” उक्त मसलामा विभिन्न प्रकारको जडिवुटि मिसिएकोले एक प्रकारको औषधिको रुपमा समेत काम हुने भएको उनले जनाए ।
यसै विच उक्त उद्योगको एक समारोहका बिच सुक्रबार उद्घाटन गरीएको छ । पोखरा उद्योग बाणिज्य संघका अध्यक्ष विन्दुकुमार थापाले देशको कठिन परिस्थितीमा पनि यस्तो उद्योग पोखरामा संचालन हुनु यस क्षेत्रको लागि सकरात्मक सन्देश भएको बताए । भारतको अघोषित नाकावन्दीको कारण देशमा हाल अत्यावसेक बस्तु अभाव भएकोमा गुनासो गर्दै अध्यक्ष थापाले यसको विकल्पमा सरकारले उक्तरी क्षेत्रमा रहेको मित्र राष्ट्र चिनबाट समेत सामानहरु आयात गर्नु पर्नेमा जोड दिए ।
कम्पनिका बजार व्यवस्थापक विनोद अधिकारीले उक्त मसला पोखरा, गोर्खा, लमजुङ हुदै काठमाण्डौंसम्म पहिलो चरणमा पुराउने लक्ष्यका साथ आफुहरु लागि परेको बताए । उनले भने “नेपालीहरुको महान पर्व दशैं तथा तिहार पर्वको अवसरमा उपभोक्ताहरुलाई हामीले मसलामा फरक स्वाद दिन तयार छौं ।” बजार प्रतिनिधि कमल लामिछानेले अन्य मसला भन्दा पिपलडाँली मसला फरक स्वाद भएको दाबी गरे ।
