पोखरा, १५ जेठ –
पोखरा भ्यु पोइन्ट युवा क्लवले पोखरा २५ स्थित सिद्धार्थ राजमार्गमा पर्ने छोरेपाटन देखि खाडेखोला सम्म सरसफाई कार्यक्रम गर्नुका साथै सडक बाटोका छेउहरुमा फोहोर ब्यबस्थापन गर्नको लागि डस्विन राखेको छ ।
सरसफाइमा सबैको ध्यान पुगोस भन्ने उद्धेश्यका साथ जथाभावी फोहोर फाल्न हुदैन भन्ने सन्देश प्रबाह गरि वातावरण स्वच्छ राख्न आफुहरुले यस्तो प्रयासको थालनी गरेको क्लवका सचिव ओमप्रकास बरालले पोखरान्युजडटकम लाइ बताए ।
उक्त बाटोका छेउहरुमा क्लवको आन्तरीक स्रोतबाट २० वटा डस्विन राखिएको हो । केहि हप्ता पछि लुकुन्श्वारा ,डाडाथोक र पुम्दीकोटमा एक एक वटा डस्विन राखिने तयारी भएको बरालले बताए ।