पोखरा –
पोखरामा युवा यातायात ब्यबसायी केशवप्रसाद अधिकारी सम्मानित भएका छन् ।
दुई दशक बढीदेखि यातायात क्षेत्रमा आवद्ध रही अत्याधुनिक बस सेवा संचालन गर्दै आन्तरिक एवं बाह्य पर्यटक पोखरामा भित्र्याउन सहयोग पु¥याएको भन्दै पोखरान्युज डटकमले उनलाइ कदरस्वरुप सम्मान गरेको हो । आफ्नो प्रथम वार्षिकोत्सवका अवसरमा ‘पर्यटन, खेलकुद र संचार पोखरा प्रवद्र्धनको मूल आधार’ भन्ने मूल नाराका साथ पोखरान्युज डटकमले सुरु गरेको मैत्रीपूर्ण सस्थागत फुटसल प्रतियोगिताको उद्घाटनका अवसरमा कार्यक्रमका प्रमुख अतिथि केसीले सम्मानपत्रका साथमा दोसल्ला ओढाएर अधिकारीलाइ सम्मान गरेका हुन् ।
सम्मानित अधिकारीले सम्मानवाट आफुले थप जिम्मेवारीको महशुष गरेको बताउदै राज्यको चौथो अंग पत्रकारितामा आवद्ध युवाले योगदानको कदरस्वरुप सम्मान गरेकोमा खुसी व्यक्त गरे । अधिकारीले २०६४ देखि पोखरा–दिल्ली सिधा बस सेवा संचालन गरी पछिल्लो समय आफ्नै प्रयासमा नेपाल–भारत मैत्री बस सेवा संचालन गर्नुका साथै पोखरा–काठमाडौमा विभिन्न सुविधासहितका बस संचालन गर्दैआएका छन् । कार्यक्रममा संस्थाले आगामी दिनमा पर्यटन, खेलकुद र संचार तीनै क्षेत्रका व्यक्तिलाई क्रमशः सम्मान गर्दै जाने पोखरान्युज डटकमका संचालक एबं सम्पादक गणेश बरालले जानकारी दिए । सम्मानित व्यक्तित्वको बारेमा रेडियो अन्नपूर्णका प्रमुख कार्यकारी अधिकृत दीपेन्द्र श्रेष्ठले परिचय दिएका थिए ।उद्घाटन अवसरमा नेपाल ओलम्पिक कमिटीका सदस्य एवं नेपाल ह्याण्डबल संघका अध्यक्ष तेज गुरुङ, पर्यटन व्यवसायी गोविन्दराज पहारी, पत्रकार हरि बास्तोला, टप कर्नर फुटसलका संचालक सुरज श्रेष्ठलगायतले शुभकामना मन्तव्य राखेका थिए ।
गणेश बरालको अध्यक्षतामा भएको कार्यक्रमको संचालन प्रतियोगिता संयोजक दीननाथ बरालले गरेका थिए । प्रमुख अतिथि केसी र ह्याण्डबल संघ अध्यक्ष गुरुङले खेल प्रशिक्षक लोकबहादुर मगर र चुडा चौधरीलाई बल हस्तान्तरण गरी प्रतियोगिता उद्घाटन गरेका हुन् ।समूह एमा पश्चिमाञ्चल क्षेत्रीय अस्पताल समूह बी, नेपाल खेलकुद पत्रकार मञ्च कास्की, सुनचाँदी व्यवसायी समिति, बुद्ध विशाल बजार, नाट्टा पोखरा र ओम डेभलपमेन्ट बैंक छन् भने समूह बीमा पश्चिमाञ्चल क्षेत्रीय अस्पतालको समुह ए, जगदम्वा ट्राभल्स, एबीसी टेलिभिजन, रेडियो अन्नपूर्ण, मोवाइल वितरक संघ, युआरएल र नेपाल पर्यटन वोर्ड छन् । विजेतालाई १५ हजार, उपविजेतालाई १० हजार र तेस्रोलाई पाँच हजार रुपैयाँसहित ट्रफी, मेडल, प्रमाण–पत्र वितरण गरिने आयोजकले जनाएको छ ।
‘पर्यटन, खेलकुद र संचार पोखरा प्रवद्र्धनको मूल आधार’ भन्ने मूल नाराका साथ पोखरा न्यूज डटकमको आयोजनामा पोखरामा शनिबार देखि मैत्रीपूर्ण संस्थागत फुटसल प्रतियोगिता सुरु भएको हो । शनिबार भएका पहिलो तथा दोश्रो चरणको खेलमा जित हासिल गर्दै समूह ए मा रहेका पृथ्वीराजमार्ग बस संचालक समिति र बुद्ध विशाल बजार सेमिफाईनलमा प्रबेस गरेका छन भने समुह बी बाट पश्चिमाञ्चल क्षेत्रिय अस्पतालको चिकित्सक सहितको टोली सेमिफाईनलमा प्रबेस गरेको हो । आईतबार विहान ९ बजे हुने नेपाल पर्यटन बोर्ड र मोवाईल वितरक संघ संगको विजेताले चिकित्सक सहितको टोलीसंग सेमिफाईनलमा प्रतिष्प्रार्धा गर्ने भएको छ ।
पृथ्बी राजमार्गले उद्घाटन खेलमा प्याव्सन कास्कीलाई ४–३ को गोल अन्तरले पराजित गरी अर्को खेलमा नेपाल खेलकुद पत्रकार मञ्चको टोलीलाई टाईब्रेकरमा ३–२ ले पराजित गरेको हो । मञ्चको टोलीले पश्चिमाञ्चल क्षेत्रिय अस्पतालको बी समुहलाइ सडेन डेथमा पराजित गरेको थियो । बुद्ध विशाल बजारले पहिलो खेलमा सुन चाँदी व्यावसायी समितिलाई ३–१ गोल अन्तरले पराजित गर्यो भने अर्को खेलमा नाट्टा पोखरालाई टाइब्रेकरमा २–० ले पराजित गर्यो । नाट्टाले भने ओम डेभलपमेन्ट बैंकलाई ५–१ ले पराजित गरेको थियो । पश्चिमाञ्चल अस्पताको टिम एले जगदम्वा ट्राभल्सलाई ६–३ ले र अर्काे खेलमा एबीसी टेलिभिजनको टिमलाई ४–१ ले पराजित गरी अन्तिम चारमा स्थान बनाएको हो । एबीसीले पहिलो चरणको खेलमा रेडियो अन्न्पुर्णलाई ५–३ ले पराजित गरेको थियो । मोवाईल वितरक संघले भने युआरएलको समुहलाई १६–२ ले पराजित गर्यो । आईतबार एक क्वाटर दुई सेमफिाईनल तथा फाईनल खेल सहित प्रतियोगिता मसापन हुने भएको प्रतियोगिता संयोजक दीननाथ बरालले जानकारी दिए । यसै बिच आइतबार महिला पत्रकारको संस्था डव्लुडव्लु जे र सञ्चारिका समूह पश्चिमाञ्चल बीच मैत्रीपूर्ण खेल हुनेछ ।
विभिन्न संघसंस्थाबीच आपसी सद्भाव कायम गर्ने उद्देश्यले आयोजित प्रतियोगिता पोखरा ११, फूलबारीस्थित टप कर्नर फुटसलमा आईतबारसम्म चल्ने छ । प्रतियोगितामा १५ टीमले भाग भए । प्रतियोगिता उद्घाटन गर्दै उद्योगपति तथा समाजसेवी सूर्यबहादुर केसीले नयाँ नयाँ सम्भावनाको खोजी गरिनुपर्ने बताए । उनले संचारजगतले यसखालको प्रतियोगिता गरेकोमा आफूलाई पनि उत्साहित बनाएको बताए । राष्ट्रियता जोगाउन कठिन भएको भन्दै उनले पहाड र तराईबीच विभेदको खाडल हुन नहुनेमा जोड दिए ।
मुख्य प्रायोजक हिमश्री फुड्स प्रालिको उत्पादन रारा तयारी चाउचाउ र कास्कीको माछापुच्छ्रे गाविसमा निमार्णाधीन झ्यामोलोङ हाइड्रोपावर डेभलपमेन्ट कम्पनीको करुवा हाइड्रोपावर रहेको छ । उप–प्रायोजकमा हङकङ व्युटी इन्स्टिच्युट प्रालि, क्लारा इन्टरनेश्नल, स्पाः एण्ड व्युटी कलेज र सहयोगीमा पोखरा टे«डिङ कन्सर्न, नेपाल पर्यटन बोर्ड, ओजन डिस्को क्लब, मोडर्न इरा टुर्स एण्ड ट्राभल्स प्रालि, नेपाल हवाइ खेलकुद संस्था (ना), पोखरा उपमहानगरपालिका कार्यालय, टप कर्नर फुटसल, रिजनल हस्पिटल (मेडिकल सहयोग), होटल जलमहल, इको पानी लगायत छन् ।
