पोखरा-
पोखरामा चौधौं फेवा नव वर्ष महोत्सव २०७४ सुरु भएको छ । आगामी वैशाख २ गतेसम्म चल्ने महोत्सवको होटल संघ नेपालकी वरिष्ठ उपाध्यक्ष श्रृजना राणाले मंगलबार उद्घाटन गरेकी हुन् ।
आन्तरिक तथा बाह्य पर्यटन प्रबर्द्धन गर्ने उद्धेश्यले महोत्सव आयोजना गरिएको पश्चिमाञ्चल होटल संघ पोखराका अध्यक्ष एवं महोत्सव संयोजक विकल तुलाचनले जानकारी दिए ।
महोत्सवमा खानाका पन्ध्र तथा अन्य व्यापारिक गरी कूल ६० स्टल राखिएको आयोजकले बताएको छ ।