पोखरा न्युज –
तनहुँको व्यास नगरपालिका–१४ स्थित छाव्दी नजिकै आज अरिङ्गालले टोकेर एकजनाको मृत्यु भएको छ ।
मृत्यु हुनेमा ५९वर्षीय नरबहादुर परियार रहेको जिल्ला प्रहरी कार्यालय तनहुँले जनाएको छ ।
अरिङ्गालले टोकेर गम्भीर घाइते भएका परियारको दमौली अस्पतालमा उपचारकै क्रममा दिउँसो ४ बजे मृत्यु भएको हो ।
अत्यधिक मादक पदार्थ सेवन गरेर घरतिर गइरहेका परियारलाई बाटोमा ५०/६० वटा अरिङ्गालले टोकेर गम्भीर घाइते बनाएका थिए ।
रासस
