गणेश बराल, पोखरा न्युज –
चर्चित लोकदोहोरी गायक कृष्ण देवकोटाको नयाँ रोइला भाका ‘आर्य भन्ज्याङ काटेर’ बोलको गीतको भिडियो सार्वजनिक भएको छ ।
गायक कृष्ण देवकोटाको आफ्नै शब्द तथा लय रहेको उक्त गीतको भिडियो म्युजिक नेपालले हालसालै युट्युव मार्फत सार्वजनिक गरेको हो।कृष्ण देवकोटा र सुनिता पौडेलको स्वरमा सजिएको गीतलाई माछापुच्छ्रे डिजिटल प्रालिले बजारमा ल्याएको हो । बटौलीमा झरौाला, रामदी झरेर, यो मायाको संसार विचित्र, म त लाहुरे गोर्खा पल्टनको जस्ता ख्यातिप्राप्त गित दर्शक स्रोत माझ पस्किसकेका देवकोटा यतिबेला पृथक शैलीको रोइला भाका मार्फत बजारमा छाएका हुन् ।
बब्बु थापा र आरुसी मगरको अभिनय रहेको सो गीतको भिडियोलाई थापा स्वयंले निर्देशन गरेका छन् । दुर्गा पौडेलको छायांकन रहेको भिडियोको सम्पादन प्रविन भट्टले गरेका हुन् ।
पश्चिम क्षेत्रको प्राचीन मौलिक भाका रोइला भाकालाइ उजागर गर्न गित बजारमा ल्याएको बताउदै गायक देवकोटाले आफुले सदैब मौलिकतामा आधारित गीत सङ्गीतलाईनै प्राथमिकता दिने बताए ।
