नेकपा माओवादी केन्द्रका अध्यक्ष प्रचण्ड चितवन क्षेत्र नम्बर ३ बाट प्रतिनिधिसभा सदस्यमा निर्वाचित भएका छन् ।
वाम गठबन्धनका उम्मेदवार प्रचण्डले लोकतान्त्रिक गठबन्धनका उम्मेदवार राप्रपा प्रजातान्त्रिकका विक्रम पाण्डेलाई ९हजार ३ सय २७ मत अन्तरले पराजित गरेका हुन् ।
प्रचण्डले ४८ हजार २ सय ६९ मत पाएका छन् । उनका निकटतम प्रतिद्वन्द्वी पाण्डेले ३८ हजार ९ सय ४२ मत प्राप्त गरे ।
प्रचण्डलाई नेकपा एमालेको समर्थन तथा पाण्डेलाइ नेपाली कांग्रेसको समर्थन रहेको थियो ।
प्रचण्ड काठमान्डौ १० तथा रोल्पा २ बाट पहिलो संविधानसभामा निर्वाचित भएका थिए भने २०७० सालमा सिरहा ५ बाट बिजयी भएका थिए ।
