पोखरा न्युज -०६, जेठ ।
म्याग्दीमा सवारी दुर्घटनामा १ जनाको मृत्यु भएको छ । दुर्घटनामा परि अन्य दुई जना गम्भीर घाईते भएका छन् ।
आइतबार बिहान करिब ११ बजे म्याग्दीको मंगला गाउँपालिका – १ कुहुँमा भएको ट्याक्टर दुर्घटनामा परि स्थानीय पुर्णगाउँका २२ बर्षीय शुशिल भण्डारीको मृत्यु भएको प्रहरीले जनाएको छ । भण्डारीको घट्नास्थलमानै मृत्यु भएको र स्थानीय १९ वर्षिय अस्मिता नेपाली र १४ वर्षिय सुस्मिता नेपाली गम्भीर घाइते भएको प्रहरी उपरीक्षक बिरेन्द्र कुमार बस्यालले जानकारी दिए । घाइतेहरुको जिल्ला अस्पताल म्याग्दीमा उपचार भइरहेको छ ।
म्याग्दीको बाबियाचौरबाट दिपशिखा माध्यमिक विद्यालय कुहुँको लागि बालुवा लिएर जादै गरेको ना ६ त ३३२८ नम्बरको ट्याक्टर दुर्घटनामा परेको हो । कुहुँमा उकालो चड्ने क्रममा अचानक ब्याग हुँदा ट्याक्टर सडक देखी ९० मिटर तल भिरमा खसेको थियो ।
दुर्घटना पश्चात ट्याक्टर चालक फरार रहेको र उसको खोजिकार्य जारीरहेको प्रहरीले उल्लेख गरेको छ ।