पोखरा न्युज – ०६, जेठ ।
स्याङ्जाको वालिङ नगरपालिका ८ शितलनगर स्थित सिद्धार्थ राजमार्गमा आइतबार बिहान मोटरसाइकल दुर्घटनामा परि एक जना घाइते भएका छन् ।
वालिङ बाट रामबाच्छा तर्फ जांदै गरेको ग ७ प ३२८३ नम्बरको मोटरसाइकललाई लु २३ प ९४१९ नम्बरको मोटरसाइकलले ओभरट्याक गर्ने क्रममा दुर्घटना हुँदा वालिङ नगरपालिका ९ बस्ने ३५ बर्षीया बिष्णु बि.क. घाइते भएको प्रहरी उपरीक्षक
बिरेन्द्र कुमार बस्यालले जानकारी दिए । बि.क. लु २३ प ९४१९ नम्बरको मोटरसाइकलमा पछाडि सवार प्रहरिले उल्लेख गरेको छ ।
प्रहरीका अनुसार घाईते बि.क. लाई प्राथमिक स्वास्थ्य केन्द्र वालिङमा सामान्य उपचार पश्चात थप उपचारको लागि गण्डकी मेडिकल कलेज पोखरा रिफर गरिएको छ । दुवै मोटरसाइकललाई नियन्त्रणमा लिएको प्रहरीले जनाएको छ ।
