पोखरा न्यूज – ०८ जेठ ।
पोखरामा मदिरा बनाउन प्रयोग गरिने ४ हजार २ सय ५० लिटर कच्चा पदार्थ सहित घरेलु मदिरा बरामद भएको छ ।
पोखरा लेखनाथ महानगरको विभिन्न वस्तीबाट कच्चा पदार्थ ४ हजार २ सय ५० लिटर, घरेलु मदिरा ३५० लिटर, मदिरा बनाउन प्रयोग गरिने ५ सेट भाँडा र ८८ वटा प्लाष्टिकका ढोल पक्राउ गरेको प्रहरीले जनाएको छ ।
पोखरा लेखनाथ महानगरपालिका – १५ सेन्टमेरिज स्कुल नजिकैको बस्ती घलेचोक र वडा नम्बर १० रामबजार स्थित घर तथा बस्तीहरुमा अवैध रुपमा उत्पादन तथा बिक्री वितरण गरिरहेको अवस्थामा उक्त घरेलु मदिरा बरामद भएको जानकारी प्रहरीले सोमबार आयोजित पत्रकार भेटघाट कार्यक्रममा दिएको हो ।
