Pokhara News

चर्चामा भावनाको ‘बग्ने खोला’ ( भिडीयो सहित)

फाइल फोटो

पोखरा न्यूज , ८ जेठ । 

कलाकार भावना आचार्यको ‘बग्ने खोला’ बोलको गीतले बजारमा चर्चा कमाएको छ । यस अगाडि विभिन्न गीत गाएर सांगीतिक क्षेत्रको यात्रा अगाडि बढाइरहेकी भावनालाई बग्ने खोला गीतले थप चर्चाको उचाईमा पु¥याउन सफल भएको छ । गीत युट्युव अपलोड भएको एक महिना नपुग्दै १२ लाख दर्शकले हेरेका छन् । गीतमा भावनासँगै रामचन्द्र काफ्लेको स्वर छ ।

दीपक शर्माको शब्द र संगीतमा बजारमा आएको लोकपप शैलीको उक्त गीतले अपेक्षा गरेभन्दा बढी चर्चा कमाएको बताउँछिन् आचार्य । ‘बग्ने खोला गीतले दर्शकको अपार माया पाएको छ,’ आचार्यले भनिन्, ‘दर्शकबाट पाएको मायाले निकै उत्साही भएकी छु ।’ गीतको भिडियोमा चर्चित नायिका शिल्पा पोखरेलको अभिनय छ । उनलाई कलाकार दीपक ढकालले साथ दिएका छन् ।

बग्ने खोला बजारमा आएदेखि नै भावनालाई स्टेज कार्यक्रमको अफर समेत आउने क्रम बढेको छ । ‘भिडियो तथा गीत मन पराएर देश तथा विदेशमा आयोजना हुने स्टेज कार्यक्रमको अफर आउने क्रम बढ्दा निकै उत्साही बनेकी छु,’ आचार्यले भनिन्, ‘दर्शकको माया र साथलाई सधैं न्याय गर्नेछु ।’ आगामी दिनमा पनि दर्शकको चाहना अनुसारका गीतहरु गाउने उनको प्रतिबद्धता छ ।

अन्य खबर

सन्तोषको मोडल चन्दासँग दुई मिनेट आँखा जुधेपछि (हेर्नुहोस् म्युजिक भिडियो)

पोखरा न्युज

सन्जिबकोे पहिलो गीत ‘देखेर तिमीलाई’ (हेर्नुहोस् म्युजिक भिडीयो)

पोखरा न्युज

मदनले ल्याए लोक भाका फ्लेबरको गीत ‘हेलिकप्टर’ (हेर्नुहोस् म्युजिक भिडियो)

पोखरा न्युज
खुल्दैछ.......