पोखरा न्युज – २३ जेठ ।
पोखरा लेखनाथ महानगरपालिका – १८ सराङकोटमा महिलाको शब फेला परेको छ ।
सराङकोटको धोक्ने खोला सामुदायिक जंगलको झाडीमा महिलाको शब फेला परेको कास्की प्रहरी प्रमुख एसपी ओम बहादुर रानाले जानकारी दिए । बुधबार दिउसो करिब १ बजेको समयामा अन्दाजी ३० बर्षीय महिलाको शब जंगलको झाडीमा पात पतिङ्गरले ढाकेको अबस्थामा भेटिएको एसपी रानाले पोखरा न्युजलाई बताए । मृतक महिलाको शवको पहिचान भने भइनसकेको र शबको पोस्टमार्टमका लागी स्वास्थ्य बिज्ञान प्रतिस्ठान पोखरामा राखिएको एसपी रानाले जानकारी दिए ।
शब पात पतिङ्गरले ढाकेको अबस्थामा भेटिएको र घटनाको प्रकृति हेर्दा हत्याको आशंका रहेको एसपी रानाले बताए । घटनाको बारेमा अनुसन्धान जारीरहेको र पोस्टमार्टम पछी थप जानकारी आउने रानाले बताए ।
घटना स्थलमा मृत महिला चुरा पोते सिन्दुर लगाएको अवस्थामा भेटिएकाले मृत महिला बिबाहित रहेको प्रहरीको भनाइ छ ।
हामीलाई इमेलमा प्राप्त भएको भिडियो यहाँ प्रस्तुत गरेका छौ ।
