पोखरा न्यूज- ०६ , असोज ।
स्याङ्जाको फेदीखोला गाउँपालिका -२ जिरोमा जिपले मोटरसाइकललाई ठक्कर दिँदा १ जना घाइते भएका छन् ।
जिरो स्थित सिद्धार्थ राजमार्गमा पोखराबाट स्याङजा तर्फ जादै गरेको ग २ च ६९७० नम्बरको जिपले विपरित दिशाबाट आउदै गरेको लु११प ६९३१ नम्बरको मोटरसाइकललाई लाई ठक्कर दिदा १ जना घाइते भएको प्रहरीले जनाएको छ ।
दुर्घटनामा परि मोटरसाइकलको पछाडि सवार ५६ बर्षीय शेर वहादुर दर्जि घाइते भएको प्रहरी नायब उपरीक्षक गोबिन्द पुरीले जानकारी दिए । पुरीका अनुसार घाइते दर्जिको गण्डकी मेडिकल कलेज पोखरामा उपचार भइरहेको छ ।
प्रहरीले जिप चालकलाई नियन्त्रणमा लिएको जनाएको छ ।