पोखरा न्यूज – ०८, असोज ।
पोखरा महानगरपालिका – ३३ बागमारामा चोरीमा संलग्न व्यक्तिलाई प्रहरीले पक्राउ गरेको छ ।
गत भदौ ३ गते राति बागमाराका ९ बटा घर तथा कोठा फोरी चोरी गर्ने मकवानपुर ईन्द्रसरोबर गाउँपालिका – ५ घर भई काठमाण्डौ – १० गर्जुधार बस्ने २६ बर्षीय बिमल दोङ्ग (लामा) पक्राउ परेको कास्की प्रहरीले जनाएको छ । कास्की प्रहरीले थालेको चोरी निष्तेज अभियानलाई तिब्रता दिने क्रममा दोङ्ग पक्राउ पर्न सफल भएको जिल्ला प्रहरी कार्यालय कास्कीका प्रहरी प्रबक्ता डिएसपी रबिन्द्रमान गुरुङले बताए ।
उक्त घटनामा दोङ्ग बाहेक उदयपुर वेलटार घर भई ललितपुर बस्दै आएका ४५ बर्षीय सागर राइको समेत संग्लनता रहेको खुल्न आएकोले उनको खोजि कार्य जारी रहेको समेत डिएसपी गुरुङले जानकारी दिए ।
दोङ्गलाइ चोरी मुद्धामा म्याद थप गरी अनुसन्धान भइरहेको प्रहरीले जनाएको छ ।
