सडक महोत्सवको निम्तो बाँड्दै रेवान पोखरा टोली घर फर्कियो

पोखरा न्यूज –०५, पुष ।

देशका विभिन्न जिल्लाहरुमा पोखरा सडक महोत्सवको निम्तो बाँडेर रेवान पोखराको टोली घर फर्किएको छ ।

तीनदिने भ्रमणका क्रममा टोलीले चितवन, नवलपरासी, पाल्पा, वालिङलगायतका स्थानहरुमा पत्रकार सम्मेलन तथा सरोकारवाला व्यवसायीहरुसँग भेटघाट, छलफल र अन्तरक्रिया गरेको थियो। ‘प्रचार–प्रसार र प्रवर्धनको दृष्टिकोणले भ्रमण सफल रहयो’ रेवान पोखराका महासचिव गणेश थापाले बताए । विभिन्न जिल्लाहरुमा सडक महोत्सवको बारेमा जानकारी दिंदा सरोकारवालाहरुले निकै चासो प्रकट गरेका थापाले बताए । सडक महोत्सवक नेपालकै पृथक महोत्सव भएकाले पनि महोत्सव अवलोकनका लागि आउने विभिन्न जिल्लावासिहरुले प्रतिवद्धता समेत जाहेर गरेको उनले जनाए ।

फरक फरक जिल्लामा आयोजित कार्यक्रमहरुमा प्रवर्धनात्मक भ्रमण टोलीका संयोजक सुर्य बहादुर  भुजेलले महोत्सवका प्रमख आकर्षणहरु राष्ट्रिय तथा अन्तरास्ट्रिय कलाकारहरुको साँस्कृतिक कार्यक्रम, नेपालका लोपन्मुख साँस्कृतिक कार्यक्रम, अन्तरास्ट्रिय स्तरका विभिन्न खाना परिकार, मनोरन्जनात्मक खेलकुदका कार्यक्रम, साहसिक पर्यटक खेलकुद, वृत्तचित्र प्रदर्शन लगायतका कार्यक्रमबारे जानकारी गराएका थिए ।

पोखराको पर्यटकिय गतिविधि चलायमान बनाउन, धेरै भन्दा धेरै स्वदेशी तथा विदेशी पाहुना पोखरा भित्र्याउन तथा समग्र पोखराको पर्यटन विकासका लागि २० वर्षदेखि सडक महोत्सव आयोजना गरिदै आएको फरक फरक ठाउँमा आयोजित प्रवर्धनात्मक कार्यक्रमहरुमा भुजेलले बताएका थिए । ‘सडकमै खाउँ, सडकमै नाचौ, सडकमै रमाऔं’ भन्ने मूल नाराका साथ आयोजना हुँदै आएको महोत्सवको प्रमुख स्थल कोमागाने पार्कमा राष्ट्रिय कलाकारहरुको लोकदोहोरी, लाइभ व्याण्ड, हाँस्य प्रहसन, बालउद्यान तथा अन्तरास्ट्रिय खानाका स्टलहरु रहने पनि जानकारी गराइएको थियो । 

प्रवर्धनात्मक भ्रमण टोलीमा पोखरा पर्यटन परिषद्का अध्यक्ष चिरञ्जीवि पोखरेल, टान क्षेत्रिय संघ पोखराका उपाध्यक्ष सुसिलराज पौडेल, नाट्टा पोखराका उपाध्यक्ष सञ्जयकान्त सिग्देल, नाट्टा पोखराका पुर्वअध्यक्ष ओम पाण्डे, रेवान पोखराका सदस्य बसन्त गौतम, दिल श्रेष्ठ, पुर्व सचिव श्रीराम गिरी लगायतको सहभागिता रहेको थियो ।

सम्बन्धित न्यूज

Leave a Reply

Your email address will not be published. Required fields are marked *

Back to top button