पोखरा न्यूज ।
कुनैबेला घारीपाटनकै रुपमा लिइने हालको पृथ्वीचोक २०२७ सालतिर चाइनाले पुल बनाएपछि यो ठाँउको नामनै चाइनाचोक बन्न पुग्यो ।
पोखरा काठमाडौ राजमार्ग तयार भए पछि यस राजमार्गको नामाकरण पृथ्वीराजमार्ग गरियो । नामाकरणसंगै यस चोकमा राष्ट्रपिता पृथ्वीनारायण शाहको पूर्णकदको मूर्ती राख्ने निर्णय भयो ।
प्रख्यात कलाकार अमर चित्रकारले करिव ५ वर्ष लगाएर तयार पारेको मूर्ती यहि चोकमा राखियो । त्यसपछि यो चोकलाइ पृथ्वीचोक भनेर नामाकरण गरियो ।
वाइसिएलका कार्यकर्ताहरुले यहा रहेको सालिक तोडफोड गरेर फ्याकेपछि यस चोकको नाम लखनचोक राख्ने कोशिस भयो । तर सर्वप्रिय नहुदा बोलीचालीमा सो नाम आउन सकेन ।
कागजीरुपमा यस चोकलाई लखनचोक भनिए पनि बुढापाकाले अझै चाइना चोक भन्न रुचाउछन भने पछिल्लो पुस्ताले यसलाइ पृथ्वीचौक नै भन्न रुचाउछन ।