पोखरा न्यूज- २५ , माघ ।
तनहुँको व्यास नगरपालिका- १२ तल्लो छिर्कनेमा शुक्रवार बस र ट्रक एक आपसमा ठक्कर खाँदा ५ जना घाइते भएका छन् ।
डुम्रेबाट दमौलीतर्फ आउदै गरेको ना ५ ख ४०४० नम्बरको यात्रुबाहक बस र विपरित दिशाबाट जादै गरेको ना ६ ख २३९ नम्बरको ट्रक एक आपसमा ठोकिएर दुर्घटना हुँदा ५ जना घाइते भएको प्रहरीले जनाएको छ ।
घाइते हुनेमा नवलपरासी (पूर्व) गैंडाकोट नगरपालिका- २ का ६२ बर्षिय इन्द्र प्रसाद भुषाल, गैडाकोट नगरपालिका- १ का २३ बर्षिया आशा रुवाले, ३५ बर्षिया श्रीमाया गुरुङ, ५२ बर्षिया इश्वर प्रसाद भट्टराई र ट्रक चालक चितवनको भरतपुर महानगरपालिका- १६ बस्ने २३ बर्षिय नारायण श्रेष्ठ रहेको प्रदेश नम्बर ४ प्रहरी कार्यालय पोखराका प्रहरी नायव उपरीक्षक गोबिन्द पुरीले जनाएका छन् ।
प्रहरीका अनुसार घाइतेहरुलाई उपचारको लागि लक्ष्मी अस्पताल डुम्रे पठाइएको छ।