गण्डकी प्रदेश बालमैत्री हुन्छ: मुख्यमन्त्री गुरुङ

पोखरा न्यूज – १३, फागुन ।

गण्डकी प्रदेशका मुख्यमन्त्री पृथ्वीसुब्बा गुरुङले गण्डकी प्रदेश बालमैत्री प्रदेश हुने बताएका छन् ।

सामाजिक विकास मन्त्रालय गण्डकी प्रदेशले आइतबार पोखरामा आयोजना गरेको प्रदेशस्तरीय दुईदिने बालभेला एवं बालपरिषद् गठन कार्यक्रममा मुख्यमन्त्रीले अब प्रदेशका हरेक संरचना बालमैत्री हुने बताएका हुन् । उनले बालअधिकारको प्रत्याभूतिका लागि गण्डकी प्रदेश सरकार निकै सर्तक रहेको बताउँदै बालबालिकामाथि बढिरहेको दुव्र्यहार न्यूनीकरणका लागि प्रदेश सरकारले छुट्टै नीति निर्माण गरेर कार्यान्वयन गर्ने उल्लेख गरे  ।

मुख्यमन्त्रीले मदिराको अनियन्त्रित व्यापारका कारणले बालबालिकामाथि हिंसा बढिरहेको भन्दै मदिरा नियन्त्रणको नीति बनाउन आवश्यक रहेको औँल्याए । उनले प्रदेशमा ९३ प्रतिशत बालबालिका शिक्षाको पहुँचमा रहेको भन्दै बाँकीलाई पनि शिक्षाको पहुँचभित्र ल्याइने बताए ।

सो अवसरमा अपाङ्ग महासङ्घका प्रतिनिधि खुमराज शर्माले बालमैत्री संरचनासँगै अपाङ्गमैत्री संरचना निर्माण गर्नुपर्नेमा जोड दिए ।
गैसस महासङ्घ केन्द्रीय महासचिव रामप्रसाद सुवेदीले नेपालको संवैधानिक व्यवस्थाले भेदभावविरुद्धको अधिकार, महिला र बालबालिकाको विशेष अधिकार तथा बालबालिकाको विशेष अधिकारलाई मौलिक हकका रुपमा अङ्गीकार गरेको बताउँदै प्रदेश सरकारले नीति बनाउँदा बालमैत्री नीतिमा जोड दिन आग्रह गरे ।

सामाजिक विकास मन्त्रालयका निमित्त सचिव नारायण आचार्यले गण्डकी प्रदेशका ११ जिल्लाबाट ४४ बालक्लबका बालबालिकाको सहभागिता रहेको र प्रदेशस्तरीय बाल परिषद्को गठन हुने जानकारी दिए । सोही अवसरमा माघ १२ देखि २१ गतेसम्म पाकिस्तानमा सम्पन्न प्रथम टी ट्वान्टी अन्तर्राष्ट्रिय दृष्टिविहीन महिला क्रिकेट प्रतियोगिताका विजेतालाई सामाजिक विकास मन्त्रालयले नगद रु पाँच लाख सम्मानस्वरुप प्रदान गरेको थियो । कार्यक्रममा बालक्लब भाइबहिनी बालविवाहसम्बन्धी सचेतनामूलक नाटकसमेत प्रदर्शन गरिएको थियो ।

Loading...
© Copyright 2019, All Rights Reserved | Pokhara News | नोट : यस पोखरा न्यूज डटकममा सम्प्रेषित कुनै पनि समाचार वा समाचारको अंश हाम्रो अनुमति विना साभार गरेको पाइएमा हामी प्रेस काउन्सिल ऐन अन्तर्गत कारबाहीको प्रक्रियामा जान बाध्य हुने छौ ।
Loading...

प्रतिक्रिया

तपाइको इमेल गोप्य राखिनेछ । अनिवार्य भर्नुपर्ने ठाउँ *

Back to top button
Close