पोखरा न्यूज – १३, फागुन।
मनाङमा हिमपातका कारण एउटा दुई तले घर भत्किएको छ ।
हिमपातका कारण आइतबार राती ङिस्याङ गाउँपालिका- ४ हुम्देका ६० बर्षीय क्यु छिरिङ गुरुङको घर भत्किएको हो ।
टिनको छानो तथा ढुङ्गा माटोले बनेको २ तले घर भत्किएर पुर्ण रुपले क्षतिग्रस्त भएको चार नम्बर प्रदेश प्रहरी कार्यालय पोखराका प्रहरी प्रवक्ता गोबिन्द पुरीले जानकारी दिए ।
घर धनि काठमाण्डौ गएको बेला परेकाले मानविय क्षति हुनबाट जोगिएको प्रहरी प्रवक्ता पुरीले जनाएका छन् ।