पोखरा न्यूज – १४, फागुन ।
पोखरा – ०६ लेकसाइडमा स्कुटर र मोटरसाइकल एकआपसमा ठक्कर खाँदा २ जना घाइते भएका छन् ।
लेकसाइडको खहरेमा मंगलबार बिहान ग १३ प २८५६ नम्बरको स्कुटर र ग १० प ८३३० नम्बरको मोटरसाइकल एक आपसमा ठक्कर खाँदा दुवै सवारीसाधनका चालक घाइते भएको प्रहरीले जनाएको छ ।
दुर्घटना परि स्कुटर चालक पोखरा -३ नदिपुर बस्ने १८ बर्षीय रोहण खड्की र मोटरसाइकल चालक रमेश पहारी घाइते भएको चार नम्बर प्रदेश प्रहरी कार्यालय पोखराका प्रहरी प्रवक्ता प्रहरी नायब उपरीक्षक गोबिन्द पुरीले जानकारी दिए ।
प्रवक्ता पुरीका अनुसार खड्कीको फिस्टेल अस्पताल तथा पहारीको मणिपाल अस्पताल पोखरामा उपचार भइरहेको छ ।
दुर्घटनापछि स्कुटर चालक खड्कीका आफन्तले मोटरसाइकल तोडफोड गरेको प्रहरीले उल्लेख गरेको छ ।
घटनाको बारेमा थप अनुसन्धान भइरहेको प्रहरीले जनाएको छ ।
,
