पोखरा न्यूज – २१, फागुन ।
प्रहरीले कास्कीबाट पाँच थान हतियार सहित ४ ब्यक्तिलाई पक्राउ गरेको छ ।
कास्कीको रुपा गाउपालिका – ७ तालवेसी तथा सौर्यवासका बिभिन्न स्थानहरुमा अबैध रुपमा हातहतियार लुकाएर राख्ने ४ जना पक्राउ परेको जिल्ला प्रहरी कार्यालय कास्कीले जनाएको छ ।
रुपा गाउपालिका – ७ तालवेशी र तिलखोरियाबाट ५५ बर्षीय नारायण बहादुर गरुङ, ४८ बर्षीय दिल बहादुर गुरुङ, ४५ बर्षीय सुरेश गुरुङ र ५४ बर्षीय मन बहादुर थापा मगरलाई ५ थान हतियार सहित सोमबार पक्राउ गरिएको प्रहरी निरीक्षक गणेश सुबेदीले जानकारी दिए । प्रहरीले उनीहरुको साथबाट भरुवा बन्दुक ३ थान, बोर राइफल लेन्स सहित १ थान र बोर राइफल (सर्ट गन ) १ थान गरि ५ थान हतियार बरामद गरेको प्रहरी निरीक्षक सुबेदीले जनाए ।
पक्राउ परेकाहरुलाई मंगलबार म्याद थप अनुमति लिई थप अनुसन्धान भइरहेको प्रहरीले जनाएको छ ।
