पोखरा न्यूज -३०, फागुन । पोखराको सभागृहमामा शंकास्पद वस्तु भेटिएको छ । सभागृहचोकमा रहेको ट्राफिक प्रहरीको स्मार्ट आइल्यान्डभित्रै शंकास्पद वस्तु भेटिएको हो ।
नेपाली सेनाको बम डिस्पोजल टोलीले घटनास्थलमा पुगेर शंकास्पद वस्तुlलाई करिव ७ : ४५ बजे डिस्पोज गरिसकेको छ । शंकास्पद वस्तु बम बनाउन तयारी गरेको सामाग्री भएको डिस्पोजल टोलीले जनाएको छ ।
प्लाष्टिकको बट्टा र तारहरु बेरिएको अवस्थामा बिहिबार बिहान ५ :३० बजेतिर शंकास्पद वस्तु भेटिएको थियो ।
त्यसैगरी पोखराको लेखनाथ स्थित भन्डारढिकमा पनि सकेटबम जस्तो शंकास्पद वस्तु भेटिएको छ । अहिले घटनास्थलमा डाँडाकोनाक प्रहरी चौकीबाट सुरक्षाकर्मी खटिएका छन् भने नेपाली सेनाको बम डिस्पोजल टोली त्यसतर्फ जाँदै छ ।
नेत्रविक्रम चन्द विप्लव नेतृत्वको समूहले नेपाल बन्दको घोषणा गरेको दिनको बिहानी पख शंकास्पद वस्तु भेटिएको हो ।