पोखरा न्यूज – १२, चैत । गोरखा नगरपालिका–१३ पाँचकिलोमा आज बस र ट्रक एकापसमा ठक्कर १५ जना घाइते भएका छन् ।
घाइतेमध्ये दुईको अवस्था गम्भीर रहेको जिल्ला ट्राफिक प्रहरी कार्यालयका प्रमुख दयाराम पौडेलले जानकारी दिए ।
तनहुँको आँबुखैरेनीबाट गोरखाको अबुवातर्फ जाँदै गरेको ना ७ ख २०७० नं को बस र विपरित दिशाबाट आइरहेको ना५ख ५८११ नं को ट्रक एकापसमा ठोक्किँदा दुर्घटना भएको हो ।
घाइतेको आँबुखैरनीस्थित छिम्केश्वरी अस्पतालमा उपचार भइरहेको छ । गम्भीर घाइते सुमित्रा नगरकोटी र भोजराज नराललाई उपचारका लागि पुरानो मेडिकल कलेज भरतपुर लगिएको छ ।
