कास्की: ल्वाङमा सम्पन्न पुरुष भलिबलको उपाधि घान्द्रुकलाई

महिलातर्फ युनाइटेड पोखरा विजयी

पोखरा न्यूज – २७, चैत । कास्कीको पर्यटकिय ल्वाङ गाउँमा सम्पन्न ‘२८ औँ चैते दशैँ मेला २०७५’ मा गाँउ स्तरिय पुरुष भलिबलको उपाधि अन्नपुर्ण युवा क्लब घान्द्रुकले जितेको छ ।

बुधबार शहिद हरि प्रसाद गुरुङ स्मृति खेल मैदानमा सम्पन्न फाइनल खेलमा जुरे भुमी युुवा क्लब तप्राङलाई २५–२०, २५–२१ र २५–२३ को सोझो सेटले पाखा लगाउदै घान्द्रुकले उपाधि जितेको हो ।

कुल २८ टिमलाई पछि पार्दै उपाधि जितेको घान्द्रुकले शिल्ड, मेडल तथा प्रमाणपत्र सहित नगद रु ६० हजार प्राप्त गर्यो भने उपाविजेता टिम तप्राङले शिल्ड, मेडल तथा प्रमाणपत्र सहित नगद रु ४० हजारमा चित्त बुझायो । प्रतियोगिताबाट उत्कृष्ट खेलाडीको रुपमा अन्नपुर्ण युवा क्लबका अनिल घमाल घोषित भए । त्यसैगरी उत्कृष्ट सेटरका रुपमा अनिश गुरुङ, उत्कृष्ट क्वीकरको रुपमा सोही क्लबकै आकाश घमाल, उत्कृष्ट ब्लकरको रुपमा तप्राङका सन्तोष देवकोटा र उत्कृष्ट स्पाइकरको रुपमा सोही टिमकै मिलन सेवा घोषित हुदै आकर्षक ट्रफिको हकदार बने ।

महिलातर्फ युनाइटेड पोखरा विजयी

महिलातर्फ सिरुपाते गाईज घान्द्रुकलाई १६–२५, २५–१८, २५–२० र २५–१६ को सेटले पराजित गर्दै युनाइटेड पोखरा विजयी बन्यो । विजयी टिम युनाइटेड पोखराले शिल्ड, मेडल तथा प्रमाणपत्र सहित नगद रु २६ हजार हात पार्यो । त्यस्तै उपविजेता टिम घान्द्रुकले शिल्ड, मेडल तथा प्रमाणपत्र सहित नगद रु १६ हजार प्राप्त गर्यो ।

प्रतियोगिताबाट उत्कृष्ट खेलाडीको रुपमा युनाइटेड पोखराका सस्मिता पुन घोषित भइन् । त्यसैगरी उत्कृष्ट स्पाईकरको रुपमा सोही टिमकै सृजना पुन, उत्कृष्ट सेटर निरु पुन र उत्कृष्ट डिफेण्डरको रुपमा सिरुपाते गाईजका ममता पाईजा घोषित हुदै ट्रफि प्राप्त गरे ।

गत २३ गते देखी सञ्चालनमा रहेको मेलामा मेच घुमाई, बेलुन फुटाई, तथा मकै गन्ने लगायतका प्रतियोगिताहरु समेत समाबेश गरिएको थियो । बिभिन्न प्रतियोगितको विजेता तथा उपविजेता टिमलाई समापन कार्यक्रमका प्रमुख अतिथि गण्डकी प्रदेशका मुख्यमन्त्री पृथ्वीसुब्बा गुरुङ, क्लबका अध्यक्ष दिपक गुरुङ, प्रतियोगिताका मुख्य प्रायोजक समाजसेवी हितकाजी गुरुङ, फोनिज कास्कीका निवर्तमान अध्यक्ष हुम बहादुर गुरुङ लगायतले पुरस्कार वितरण गरेका थिए ।

सो अबसरमा बोल्दै मुख्यमन्त्री गुरुङले विजयी टिमलाई बधाई तथा शुभकामना ब्यक्त गरे । उनले सो मेला २८ औं संस्करण सम्म आईपुग्दा गाउँको चिनारीमा थप टेवा पुर्याएको उल्लेख गरे । उनले गण्डकी प्रदेश पर्यटन, कृषि तथा उर्जाको विकास हुन सकेको खण्डमा प्रदेशले सहजै समृद्ध हाँसिल गर्न सक्ने बताउदै सोही अनुरुप अगाडी बढेको उल्लेख गरे ।

मुख्यमन्त्री गुरुङले खेकलुदको माध्ययबाट ल्वाङ गाउँमा आन्तरिक तथा बाह्य पर्यटक भित्राउन मद्दत पुग्ने बताउदै अझ प्रवर्द्धनका निम्ति प्रदेश सरकारको सहयोग रहने समेत धारणा ब्यक्त गरेका थिए ।

सम्पन्न कार्यक्रममा नेपाली काङ्ग्रेस कास्की सभापति कृष्ण केसी, माछापुच्छ्रे गाउँपालिका–८ का अध्यक्ष कृष्ण दवाडी, प्रेस युनियन नेपालका सदस्य सरस्वती गुरुङ लगायतले बोलेका थिए भने भुजुङ याजम्रो डान्स ग्रुपले विबिध सांस्कृतिक कार्यक्रमहरु प्रस्तुत गरेको थियो ।

ग्रीनहिल युवा क्लबका अध्यक्ष दिपक गुरुङको सभापतित्वमा सम्पन्न कार्यक्रममा कार्यक्रमका उपसंयोजक भरत गुरुङले स्वागत मन्तब्य ब्यक्त गरेका थिए भने संचरकर्मी सम्रात गुरुङले कार्यक्रम सञ्चालन गरको थिए ।

© Copyright 2019, All Rights Reserved | Pokhara News | नोट : यस पोखरा न्यूज डटकममा सम्प्रेषित कुनै पनि समाचार वा समाचारको अंश हाम्रो अनुमति विना साभार गरेको पाइएमा हामी प्रेस काउन्सिल ऐन अन्तर्गत कारबाहीको प्रक्रियामा जान बाध्य हुने छौ ।
Loading...

प्रतिक्रिया

तपाइको इमेल गोप्य राखिनेछ । अनिवार्य भर्नुपर्ने ठाउँ *

Back to top button
Close