पोखरा न्यूज – १०, वैशाख । नेपालगञ्जमा जारी आठौं राष्ट्रिय खेलकुद प्रतियोगिता अन्तरगत मंगलबार सम्पन्न भएको पुरुष तर्फको ह्याण्डवल खेलमा गण्डकी प्रदेशले स्वर्ण पदक जितेको छ ।
नेपालगञ्ज रंगशाला परिसरमा आज (मंगलबार) भएको फाइनल खेलमा गण्डकी प्रदेशले विभागिय टोली सशस्त्र प्रहरी वलको एपिएफलाई ३७—३३ गोलको अन्तरले पराजित गर्दै गण्डकी प्रदेशले समुह तर्फ पहिलो स्वर्ण पदक प्राप्त गरेको हो ।
गण्डकीको जितमा सन्तोस श्रेष्ठले सर्वाधिक १६ गोलको योगदान दिए । त्यसै गरी कप्तान विशाल बस्नेतले ८, शरन थापाले ५, दिनेश श्रेष्ठले ४, चन्द्र केसीले ह्याट्रिक र विमल थापाले एक गोलको योगदान दिए ।
एपिएफका लोकेन्द्र चन्द र संजीप कार्कीले समान १० गोल गरेका हुन्। खेलको सुरुवातमै गोल खादै ६–२, ९–३ को नजितालाई पुनरावलोकन गर्दै गण्डकीले पहिलो हापमा १२–१२ गोलमा बराबरीमा पुराउन सफल भएको थियो । दोश्रो हापमा सुधार गर्दै गण्डकीले जित हासिल गरेको हो ।
त्यसैगरी महिला तर्फको ह्याण्डबलमा त्रिभुवन आर्मीले स्वर्ण पदक जितेको छ । फाइनल खेलमा आर्मीले एपिएफलाई १७–१४ को गोल अन्तरले पराजित गर्दै स्वर्ण पदक हात पारेको हो । आर्मीको जितमा कविता राइले सर्वाधिक ८ गोल गरिन् । एपिएफकी साधना बमले ४ गोल गरेकी हुन् ।
महिला तर्फको ह्याण्डवल खेलमा गण्डकी प्रदेशले कास्य पदक प्राप्त गरेको छ । मंगलबार विहान तेश्रो स्थानको लागि भएको खेलमा गण्डकी प्रदेशले प्रदेश नम्बर १ लाई ७–५ को गोल अन्तरले पराजित गर्दै कास्य पदक हात पारेको हो । गण्डकीको जितमा योगिता गुरुङले सर्वाधिक ४ गोलको योगदान दिइन् । कोमली खड्का, स्वेता गुरुङ र निश्मा बस्नेतले एक/एक गोल गरे ।
प्रदेश नम्बर १ का जिना राइ र निशा राइले समान दुई÷दुई गोल र रमिला बस्नेतले एक गोल गरेकी हुन्। प्रदेश नम्बर १ का खेलाडीहरुले पटक पटक पोष्टमा प्रहार गरेको वल गण्डकी प्रदेशका गोलरक्षक विमला भुजेलको विफल पारिन् । उनले करिब ४ वटा वान भर्षेस वान वल उत्कृष्ट बचाउ गरेकी हुन्।
यसैबिच, पुरुष तर्फको ह्याण्डवल खेलमा त्रिभुवन आर्मीले कास्य पदक हात पारेको छ । नेपलागन्ज रंगशाला परिसरमा मंगलबार विहान भएको खेलमा आर्मीले प्रदेश नं ३ लाई ४२–२४ गोलको फराकिलो अन्तरले पराजित गर्दै कास्य पदक हात पारेको हो । ह्याण्डवलमा नेपाल पुलिस र एनआरएनए बाहेक ९ टिमको सहभागिता रहेको थियो । वैशाख ५ गगे देखि उक्त प्रतियोगिता सुरु भएको थियो ।
विजयी खेलाडीहरुलाई राष्ट्रिय खेलकुद परिषदका उपाध्यक्ष पिताम्वर तिमिल्सिना, राखेप सदस्य राजेश कुमार गुरुङ, पश्चिमाञ्चल क्षेत्रिय खेलकुद विकास समितिका अध्यक्ष सम्पन्न श्रेष्ठ, राखेपका पूर्वसदस्य खड्गबहादुर रानाभाट, नेपाल ह्याण्डवल संघका अध्यक्ष तेज बहादुर गुरुङ लगायतले पुरस्कार वितरण गरेका थिए ।
ह्याण्डवलमा नेपाल पुलिस र एनआरएनए बाहेक ९ टिमको सहभागिता रहेको थियो ।
यसै बिच, गण्डकी प्रदेशले आर्चरी खेलमा ५ स्वर्ण ४ रजत ३ कास्य पदक सहित १२ वटा पदक हात पार्न सफल भएको छ । आर्चरीमा त्रिभुवन आर्मीले भने ५ स्वर्ण २ रजत र ५ कास्य पदक सहित ११ पदक हात पार्न सफल भएको प्रशिक्षक योगेन्द्र शेरचनले बताए । आर्चरी खुल्ला भएकोले उक्त मेडलको प्रतियोगितामा गणना नहुने भएको छ ।
हालसम्म गण्डकी प्रदेशले आर्चरी बाहेक ९ स्वर्ण पदक ल्याएको पश्चिमाञ्चल क्षेत्रिय खेलकुद विकास समितिका अध्यक्ष सम्पन्न श्रेष्ठले बताए ।
त्यसैगरी नेपालगन्जको नयाँ रंगशालामा मंगलबार देखि सेमिफाइनल फुटवल सुरु भएको छ । विहान भएको पहिलो सेमिफाइनल खेलमा नेपाल आर्मीले आयोजक प्रदेश नम्बर ५ लाइ टइब्रेकरमा पराजित गरी फाईनलमा यात्रा बनाएको हो ।
त्यस्तै नेपालगन्जको खजुरामा आयोजना भएको राष्ट्रिय पुरुष भलिवलमा गण्डकी प्रदेश नेपाल पुलिससंग सेमिफाईनलमा ३–१ को सेटमा पराजित भएको गण्डकीका म्यानेजर देवेन्द्र केसीले बताए ।
