पोखराका होटलमा १ बर्षमा करिब ३० करोड लगानी

दिननाथ बराल, पोखरा न्यूज- १८ , साउन ।  पोखरा क्षेत्रिय अन्तराष्ट्रिय विमानस्थल निर्माणले तीब्रता पाएसंगै पोखरा क्षेत्रका होटलहरुमा लगानी हरेक बर्ष बढ्दो रुपमा हुन थालेको छ । अघिल्लो बर्षमा करिब २५ करोड होटल क्षेत्रमा लगानी भएको सरकारी एक तथ्याङकमा उल्लेख भए पनि गत बर्ष २०७५/०७६ मा करिब ३० करोड भन्दा बढी लगानी भएको छ ।

अघिल्लो बर्षको तुलनामा गत बर्ष भन्दा १० प्रतिशत कम होटल थपिएको गण्डकी प्रदेशको उद्योग पर्यटन वन तथा वातावरण मन्त्रालय अन्तर्गत पर्यटन कार्यालय पोखराले जनाएको छ । पोखरा क्षेत्रमा लक्षित गरी आर्थिक बर्ष २०७५/०७६ मा २९ वटा पर्यटकीय स्तरिय होटल तथा लजहरु थपिएका छन ।

आर्थिक बर्ष २०७४/०७५ मा ३२ वटा होटलहरु थपिएको थियो । अघिल्लो बर्षको तुलनामा गत बर्ष ३ वटा होटल कम खुलेका हुन्। अघिल्लो बर्षको तुलनामा गत बर्ष कम सङख्यामा होटल खुले पनि होटलमा लगानी भने बढ्दो रुपमा भएकोले यसमा गुणस्तरिय पर्यटक लक्षित लगानी हुन थालेको पर्यटन कार्यालय पोखराका अधिकृत सालिकराम रेग्मीले बताए ।

गत बर्ष पोखरा क्षेत्रमा थपिएका होटलमा करिब ४ सय ३५ वटा रुम थपिएको जसमा ७ सय ७१ वटा शैया रहेको उनले जनाए । उक्त होटलको सङख्या थपिएसंगै कार्यालयमा हालसम्म पर्यटक स्तरिय ४ सय ३५ वटा होटलहरु रहेको पर्यटन कार्यालयको तथ्याङकमा उल्लेख छ ।

पोखरा क्षेत्रमा पर्यटकीय स्तरिय होटलमा करोडौं लगानी भए पनि सरकारी झनझटीलो प्रक्रिया हुने भएकाले  अधिकाशं व्यवसायीहरुले न्यून लगानी देखाउने गरेको पाइएको छ । कार्यालयको तथ्याङक हेर्दा न्यूनतम १५ लाखदेखि ५ करोडसम्म लगानी देखाएका छन्। यद्यपी पोखरामा करिब एक अर्ब भन्दा बढी एउटै होटलमा लगानी समेत भएको छ । होटल सुईस इन्टरनेश्नल होटलमा एक अर्ब भन्दा बढी लगानी भएको छ । पर्यटन कार्यालय पोखराले भने विभिन्न तारे होटलको भने मान्यता दिदैन यसको लागि पर्यंटन विभागबाटै दिने गरेको छ ।

आर्थिक बर्ष २०७४/०७५ मा पोखरा क्षेत्रमा करिब ५ लाखदेखि ३ करोड मुल्य बराबरका ३२ वटा होटलहरु थपिएका थिए । पोखरा क्षेत्रमा हालसम्म यद्यपी व्यवसायीहरुले पर्यटन कार्यालयमा देखाउने लगानी तथा होटल एवं लजको संरचना करिब दोब्बरदेखि चार गुणा भन्दा बढी हुने गरेको पाईन्छ । यसै बर्ष देखि पर्यटन कार्यालय प्रदेशमा माताहातमा रहेकोले आफुहरुसंग कर्मचारी अभाव र बजेटको अभावले गर्दा बजार अनुगमन गर्न नपाएको अधिकृत रेग्मीले जनाए ।

उनले भने “हाम्रो दरबन्दी करिब १२ जनाको हो तर हाल यहाँ ४ जना कर्मचारी मात्र छौं, हामीसंग बजेट अभावले गर्दा बजार अनुगमन गर्न नसक्दा पनि केही होटलहरु दर्ता गर्न अझै आएका छैनन् , उनीहरुलाई सम्झाइ बुझाई गर्न सके गर्दा प्रक्रियामा अवश्य आउछन्। ”पोखरा क्षेत्रमा हाल भकाभक होटलहरु मात्रै ठडिएको देखिन्छ त्यसको अध्यावधिक गर्न किन कार्यालय चुकेको भन्ने हाम्रो प्रश्नमा उनले व्यवसायीहरु आवश्यक पर्दा दर्ता गर्न आएको खण्डमा मात्रै हाल आफुहरुले दर्ता गराउने गरेको अधिकृत रेग्मीले जनाए । सायद सरकारलाई राजश्व कम तिर्नुपर्ने भएको कारणले गर्दा व्यवसायीहरुले कम लगानी भएको देखाउने गरेको हुन सक्ने उनले जनाए ।

कार्यालयले गण्डकी तथा धौलागिरिका १० जिल्लाका पर्यटकीय स्तरका होटल तथा लज एवं रेष्टुरेण्टको दर्ता तथा ५/५ बर्षमा नविकरण गर्ने गरेकोमा यस बर्ष देखि थप एक जिल्ला सहित गण्डकी प्रदेशकै जिम्मा पाएको हो । आर्थिक २०७४/०७५ मा पोखरा क्षेत्रमा होटल तथा लज एवं रेष्टुरेण्टमा मात्र करिब २५ करोड भन्दा बढी लगानी भएको पर्यटन कार्यालय पोखराका सुचना अधिकारी सुक्रराज कोइरालाले बताए । गत बर्ष भने २९ करोड ४८ लाख लगानी भएको उनले जनाए ।

नन स्टारको १० हजार देखि पर्यटकीय स्तरीय डिलक्स स्तरिय होटलको दर्ता शुल्कः ४० हजारसम्म रहेको छ । यस अघि होटलहरुको न्यूनतम दर्ता शुल्कः ५ हजार रहेकोमा यस आर्थिक बर्ष २०७४/०७५ देखि दोब्बरले बृद्धि भएको हो । केही व्यवसायीहरुले घरेलु तथा अन्य क्षेत्रबाट समेत दर्ता गरेर पर्यटन कार्यालयसम्म दर्ता गर्न नआएको उनले बताए ।

सम्बन्धित न्यूज

Leave a Reply

Your email address will not be published. Required fields are marked *

Back to top button