पोखराका बसमा मेयर र उपमेयरद्धारा मेट्रो कार्डको प्रयोग

दीननाथ बराल, पोखरा न्यूज – २५, साउन । पोखरा महानगरपालिकाका मेयर मानबहादुर जिसी र उपमेयर मन्जुदेवि गुरुङले पोखराका बसमा मेट्रो कार्डको प्रयोग गरेकाछन्। इ-टिकेटिङ सिस्टमको शुक्रबार सफल परिक्षण गरिएसंगै शनिबार मेयर जिसी र उपमेयर गुरुङले पोखराका बसमा मेट्रो कार्ड प्रयोग गरेका हुन्।

शनिबार भने पोखरा महानगरपालिकाका मेयर मानबहादुर जिसी, उपमेयर मन्जुदेवि गुरुङले संयुक्त रुपमा उक्त सिस्टमको आफै प्रयोग गर्दै पोखराको सिमपानीदेखि जिरोकिलोमिटर सम्मको यात्रा गरेका हुन् । पोखरा-१ सिमपानीदेखि पोखर-१७ आँखा अस्पतालसम्मको रुटमा चल्ने पोखरा बस कम्पनी प्रालिका १३ वटा बसमा उक्त सिस्टमको शुक्रबार परिक्षण गरिएको थियो ।

पोखरा बस कम्पनीले सिस्टम पोखरामा पहिलो पटक सुरु गरेको कम्पनीका संचालक मध्यका एक अमृत तिमिल्सिनाले बताए । मेयर, उपमेयरको साथमा विभिन्न बस कम्पनीका अध्यक्ष एवं संचालक सहितको टोली सहभागि भएका थिए ।

पृथ्बीराजमार्ग बस संचालक कम्पनीका अध्यक्ष योगेन्द्र बहादुर केसीले भदौं एक गते भित्र आफुहरुका पोखरा क्षेत्रमा संचालन हुने सम्पूर्ण बसहरुमा उक्त सिस्टम जडान गर्ने जनाए ।

भदौं एक गते भित्र पोखरामा रहेका ७ वटा बस कम्पनीहरुले सिस्टम लागु गर्ने तयारी गरेको एनक्लाउड कम्पनीका सिइओ दिपेन्द्र नारायण श्रेष्ठले बताए ।

ओम डेभलपमेन्ट बैंकका सिईओ विश्वमोहन अधिकारीले पहिलो चरणमा आफुहरुबाट १० हजार कार्ड वितरण गर्ने तयारी भएको जनाए ।

यो पनि पढ्नुहोस् : पोखरामा भोलिदेखि निःशुल्क मेट्रो कार्ड वितरण हुने, कसरी कहाँबाट लिने हेर्नुहोस्

सम्बन्धित न्यूज

प्रतिक्रिया

Leave a Reply

Your email address will not be published. Required fields are marked *

Back to top button