पोखरामा ‘मन्त्र’ ब्याण्डको टोली चढेको स्कार्पियो दुर्घटना, ४ घाइते

पोखरा न्यूज – २३, भदौ । दार्जिलिको चर्चित साङ्गीतिक ब्याण्ड ‘मन्त्र’को टोली चढेको स्कार्पियो गएराती पोखरामा दुर्घटनामा परेको छ ।

आइतबार बेलुका पोखराको सराङकोटमा  ब्याण्डका टोली सवाररत ग १ ञ ७९५ नम्बरको स्कार्पियो ब्रेक फेल भई दुर्घटना हुँदा ४ जना घाइते भएको कास्की प्रहरीले जनाएको छ ।

दुर्घटनामा परि ब्यान्डमा आवद्ध भोकलिष्ट भाष्कर देवान, गितारिस्ट प्रज्ञा लामा, निमा भुटिया तथा गाडी चालक नौबिसेका ईश्वर तामाङ घाइते भएका हुन्।

‘प्रहरीका आनुसार देवान, प्रज्ञा र निमाको टाउकोमा र चालक तामाङको हातमा चोट लागेको छ । घाइते चारै जनाको मणिपाल शिक्षण अस्पताल पोखरामा उपचार भइरहेको र उनीहरुको अवस्था खतरामुक्त रहेको बताइएको छ ।