पोखरा न्यूज – १६, मंसिर । १३ औं दक्षिण एसियाली खेलकुद साग अन्तर्गत महिला क्रिकेटमा नेपालको शानदार शुरुआत गरेको छ । आज भएको आफ्नो पहिलो खेलमा नेपालले माल्दिभ्सलाई १० विकेटले पराजित गरेको हो ।
पोखरा रंगशालामा भएको खेलमा टस जितेर ब्याटिङ रोजेको माल्दिभ्सले १०.१ ओभर ब्याटिङ गर्दै सबै विकेट गुमाएर १६ रन बनायो । नेपालकी बलर अञ्जली चन्दले कीर्तिमानी बलिङ गर्दै २.१ ओभर नै मेडन राख्दै ६ विकेट हासिल गरिन् ।
Loading...
प्रतिउत्तरमा १७ रनको लक्ष्य नेपालले पहिलो ओभरमै पूरा गर्यो । नेपालका लागि काजल श्रेष्ठले तीन चौकासहित १३ रन बनाइन् । ४ रन भने नेपाललाई बाइबाट प्राप्त भयो ।
नेपालले आफ्नो दोस्रो खेल पर्सि बुधबार बंगलादेशसंग खेल्ने छ ।
