पोखरा न्यूज – २१, मंसिर । १३ औं साग अन्तर्गत पोखरा रंगशालामा भएको महिला फुटबल प्रतियोगितामा आयोजक नेपाललाई भारतले पराजित गरेको छ ।
आज शनिबार भएको राउण्ड रोबिनको अन्तिम खेलमा नेपाललाइ भारतले एक- शुन्य गोल अन्तरले पराजित गरेको हो । खेलको १८ औं मिनेटमा भारतकी बाला देवीले गरेको गोल नै खेलको निर्णायक बन्न पुग्यो ।
नेपाल भारतसँग सधै दबाबमा खेल्ने गरेपनि घरेलु दर्शकको साथले नेपाली खेलाडीको मनोवल बढाएको थियो । उत्कृष्ट खेल खेलेको नेपालले निरन्तर आक्रमण बुने पनि फिनिसिङको अभावमा खेलमा फर्किन सकेन ।
यसअघि नै नेपाल र भारत दुवैले समूहको शिर्ष स्थानमा रहदै फाइनलको यात्रा तय गरिसकेका हुन् । साग महिला फुटबलको उपाधिका लागि सोमबार नेपाल र भारत भिड्ने छन् । फाइनल खेल मंसिर २३ गते (सोमबार) दिउँसो २ बजे हुनेछ ।