पोखरा न्यूज – २१ मंसिर । पोखरामा शनिवार प्याराग्लाइडिङ दुर्घटना हुँदा २ जना घाइते भएका छन् ।
पोखराको खपौदीमा शनिवार बिहान करिव ११:३० बजे भएको दुर्घटनामा प्याराग्लाइडिङ पाइलट पोखरा -२२ पुम्दि-भुम्दिका २४ बर्षीय सुरज गुरुङ र प्याराग्लाइडिङमा सवार भारतीय पर्यटक २९ बर्षीय कुनाल राजेन्द्र साह घाइते भएको प्रहरीले जनाएको छ ।
घाइते दुबैको मेट्रोसिटि अस्पताल पोखरामा उपचार भैरहेको गण्डकी प्रदेश प्रहरी कार्यालय पोखराका प्रहरी उपरीक्षक दीपक रेग्मीले जानकारी दिए ।
पोखरा – १८ सराङकोटबाट उडान भरेको माउण्टेन ओभर भ्यू प्याराग्लाइडिङ कम्पनीको प्याराग्लाइडिङ टेक्निकल खराबीको कारण अनियन्त्रित भई दुर्घटना भएको प्रहरी उपरीक्षक रेग्मीले जनाए ।
घटनाको बारेमा अनुसन्धान भैरहेको प्रहरीले जनाएको छ ।
