आर.आर. पौडेल,पोखरा न्यूज – २५, मंसिर । ‘नेपाल आइडल’को तेस्रो सिजनको मिति सार्वजनिक भएको छ ।
आगामी पुष ३ गतेबाट नेपाल आईडलको तेस्रो सिजनको एपि वान टेलिभिजनबाट प्रसारण सुरु हुने आयोजकको भनाई छ । तेस्रो सिजनको अडिसन राउन्डका सबै श्रृंखला छायांकन भइसकेको आयोजकले जनाएको छ ।
सिङ्गिङ रियालिटी सो नेपाल आईडलको तेस्रो सिजनका लागि पनि निर्णायकका रुपमा न्ह्यु वज्राचार्य, कालीप्रसाद बाँस्कोटा र इन्दिरा जोशी नै रहने छन् ।
‘नेपाल आइडल’ पहिलो सिजनको उपाधि बुद्ध लामा र दोस्रो सिजनको उपाधि रवी ओडले जितेका थिए । कार्यक्रम हरेक बिहिबार र शुक्रबार बेलुका साढे ८ बजेबाट प्रसारण हुनेछ ।
