पोखरा न्यूज – २७, मंसिर । तनहुँमा शुक्रबार माइक्रो र बस एकापसमा ठक्कर खाँदा १४ जना घाइते भएका छन् ।
तनहुँ म्याग्दे गाउँपालिका-१ मा ग१ख २४७७ नम्बरको हाइस माइक्रो र ना४ख ६७७० नम्बरको बस एक आपसमा ठक्कर खाँदा १४ जना घाइते भएको तनहुँ प्रहरीले जनाएको छ ।
प्रहरीका अनुसार घाइतेहरुलाई उपचारको लागि रत्नहरी अस्पताल दमौली पठाइएको छ । दुर्घटनामा माइक्रो बसमा सवार १३ जना र बसमा सवार १ जना गरी १४ जना सामान्य घाइते भएको प्रहरीले उल्लेख गरेको छ ।
बस चालकलाई नियन्त्रणमा लिई थप अनुसन्धान भैरहेको प्रहरीले जनाएको छ ।