काठमाडौं। हिँड्डुल गर्न सक्ने विश्वका सबैभन्दा होचा व्यक्ति खगेन्द्र थापा मगरको २७ वर्षको उमेरमा शुक्रवार मृत्यु भएपछि गिनिज बुक अफ वर्ल्ड रेकर्ड्सले उनीप्रति श्रद्धाञ्जलि व्यक्त गरेको छ।
बाग्लुङ जिल्लाका खगेन्द्र दुई फिट ४१ इञ्च अर्थात् ६७.०८ सेन्टिमिटरका थिए।गिनिज बुक अफ वर्ल्ड रेकर्ड्स खगेन्द्रले ’आफ्नो सानो आकारलाई सुखमय जीवन जिउन रोक्न नदिएको’ बताएको छ।सन् २०१० मा १८ वर्षको उमेरमा उनलाई गिनिज बुक अफ वर्ल्ड रेकर्ड्सले विश्वका सबैभन्दा होचा व्यक्तिका रूपमा दर्ता गरेको थियो।
यस्ताे भन्याे गिनिजबुकले
गिनिज बुक अफ वर्ल्ड रेकर्ड्स खगेन्द्रको मृत्युको खबरले दुखि भएको विज्ञप्तिमार्फत् जनाएको छ। उनका पिता रूपबहादुर थापा मगरले उनी जन्मिँदा हातमा अटाउने र नुहाइदिन गाह्रो हुने कुरा सम्झेको पनि विज्ञप्तिमा उल्लेख छ।
गिनिज बुक अफ वर्ल्ड रेकर्ड्सले लेखेको छस् “उनका साथीहरूका अनुसार उनी मुटुको समस्या, दम र निमोनियाबाट पीडित थिए।“सन् २०१० मा खगेन्द्रलाई इटलीमा भेटेका गिनिज बुक अफ वर्ल्ड रेकर्ड्सका प्रधान सम्पादक क्रेग ग्लेन्डेले भनेका छन्स् “खगेन्द्र अब हामीसँग नरहेको भन्ने नेपालबाट खबर सुनेर हामी निकै दुःखी भएका छौँ।“
“उनको चम्किलो मुस्कानले उनलाई भेटेने जो कोहीको पनि मन पग्लिन्थ्यो।““धेरै होचा मानिसको अनुभवमा मात्र छ किलोको हुँदा जीवन चुनौतीपूर्ण हुन्छ र औसत व्यक्तिका लागि बनेको विश्वमा मिल्न गाह्रो हुन्छ।““तर खगेन्द्रले आफ्नो सानो आकारलाई सुखमय जीवन जिउन रोक्न दिएनन्।“
उनले थपेका छन्स् “उनी र उनको परिवारलाई चिन्नु एउटा सम्मान थियो र उनको कथा विश्वसँग बाँड्न सक्नु विशेषाधिकार पाउनु सरह थियो।“
२०१० मा विश्वका सबैभन्दा होचाे व्यत्तिकाे रेकर्ड
खगेन्द्र थापा मगरले सन् २०१० मा भनेका थिएस् “म आफूलाई सानो मान्छे ठान्दिनँ। म ठूलो मान्छे हुँ। म आशा गर्छु यो कीर्तिमानले मलाई त्यो कुरो प्रमाणित गर्न एवम् म र मेरो परिवारलाई घर बनाउन सघाउँछ।“ हामीले यो खबर बिबिसी नेपालीबाट लिएका हौँ।
