पोखरा न्यूज – १२ , माघ । पोखरा विमानस्थलमा चेकजाँचका क्रममा राइफलमा प्रयोग हुने गोलीसहित एक पुरुष पक्राउ परेका छन् ।
विमानस्थलमा एक्सरे मेसिनले चेकजाँच गर्ने क्रममा पोखरा महानगरपालिका-२७ रिट्ठेपानीका ४० वर्षीय जितु शाहीको झोलामा गोली फेला परेको हो ।
यति एअरको उडानमार्फत काठमाडौँ उड्न लागेका शाहीलाई प्रहरीले नियन्त्रणमा लिएको छ ।
प्रहरीले शाहीको साथबाट २२ बोर राइफलमा प्रयोग हुने २९ राउण्ड गोली बरामद गरेको जनाएको छ ।
शाहीलाई नियन्त्रणमा लिएर अनुसन्धान भैरहेको प्रहरीले जनाएको छ ।