दीननाथ बराल, पोखरा न्यूज – ०९ ,फागुन । पोखराको छोरेपाटनमा कार दुर्घटना हुँदा एक महिलाको मृत्यु भएको छ ।
शुक्रबार भ्याग्लुङ्ग खोलाबाट छोरेपाटन तर्फ आउँदै गरेको ग २ च ७७६३ नम्बरको सेतो कार अनियन्त्रित भइ पल्टिँदा छोरेपाटन बेलघारीकी करिव २१/२२ वर्षीया जमुना क्षेत्रीको घटनास्थलमै मृत्यु भएको हो ।
दुर्घटनामा सोही ठाउँका २०/२१ वर्षकी बिना मगर , ४ वर्षीय बालक अशिम मगर र साढे २ वर्षीया बालिका रेविका क्षेत्री घाइते भएको स्थानीयले जानकारी दिए ।
घाइतेहरुको मणिपाल अस्पताल र नमस्ते हस्पिटल पोखरामा उपचार भैरहेको छ । गुल्मी घर भएका चालक शिव पाण्डेलाई भने सामान्य चोट मात्र लागेको बताइएको छ ।
चालकले मापसे गरेर तिब्र गतिमा कार चलाउदा दुर्घटना भएको प्रतक्ष्यदर्शीले बताएका छन् ।