पोखरा न्यूज – १२ , फागुन । पोखरामा प्रधानमन्त्री केपी शर्मा ओलीलाई कालो झन्डा देखाउन खोज्ने ६ जना विद्यार्थी पक्राउ परेका छन् ।
पोखरा स्थित सभागृह गेटमा नाराबाजी गरिरहेका समाजवादी विद्यार्थी युनियनका उपाध्यक्ष नेत्र चापागाई, रेशम सापकोटा, विशाल तिमिल्सिना लगायत ४ जना पक्राउ परेका हुन्।
त्यसैगरी नेविसंघका जिएमसी उपाध्यक्ष भिरध्वज जङ्ग पौडेल र सदस्य असिम पौडेल जिएमसी क्याम्पस अघिबाट पक्राउ परेका छन् ।
नेकपा गण्डकी प्रदेशस्तरीय प्रशिक्षण कार्यक्रमलाई सम्बोधन गर्न सोमबार प्रधानमन्त्री ओली पोखरा सभागृहमा आउने क्रममा बिरोध जनाउने विद्यार्थी पक्राउ परेका हुन् ।
मंगलबार सम्म चल्ने प्रशिक्षण कार्यक्रममा करिब १६ सय जना सहभागी रहने बताइएको छ ।
